1 Corintios 1:26 - Biblia Dc en Mixe de Quetzaltepec

²⁶ Mëku'uktëjkëty, ja'amyätstë ko miitsëty Dios të myaxtsowëtë, oy ka'ap nëkooyë tii xyjyatë xynyijawëtë ijxtëm ja ja'ay myäytyën tyajtën, ets niwäänë miitsëty mëti'ipë kuttujkën mëëtën ets mëti'ipë myëku'uk'ajtëpën yë ja'ayëty mëj'äämpyë y'itën.

Biblia Mixe de Quetzaltepec

²⁶ Mëku'uktëjkëty, ja'amyätstë ko miitsëty Tios të myaxtsowëtë, oy ka'ap nëkooyë tii xyjyatë xynyijawëtë ijxtëm ja ja'ay myäytyën tyajtën, ets niwäänë miitsëty mëti'ipë kutujkën mëëtën ets mëti'ipë myëku'uk'ajtëpën yë ja'ayëty mëj'äämpyë y'itën.

1 Corintios 1:26 ပူးပေါင်းရင်းမြစ်များ

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

1 Corintios 2:8

Yë'ë ya'atë mëti'ipë yë yajkutujkpëtëjk naaxwiinypë ka'ap të tja'akyukëtën. Ko jeexyë të tja'akyukëtë, ka'ap jeexyë ojts tyajkruutspätë ja Wintsën mëti'ipë myëët'ajtypyën ja mëj'ajtën jaanty'ajtën.

1 Corintios 1:20

¿Maa ja ixpëkyjyä'äy, ja yaj'ijxpëjkpë ets mëti'ipë tii nyimëtyaktëpën të nyëjkxta'atë? Dios, tsuuwinma'any të tpëjktä'äky ja wijyajtën kejyajtën naaxwiinypë.

Lucas 10:21

Näy jää it ma ja Jesús ënety jotkujk nyäjyawëtyën mëët ko ja Kënu'kxymyëkajtën ënety të tyuktëkëty, ënät y'ënäny: Dios Teety, Wintsën tsajpjotmëpë ets naaxwiinypë, nmëjja'ap njaantyjya'ap mijts, jä'äkyëjxm ko ja ja'ay mëti'ipë yu'unk naxym ja'ay'ajtëpën, tëë xytyuk'ixy xytyuknijawë mëti'ipë të xytyukwinkuyu'tsyën ja wijyjyä'äytyëjk. Jëtu'un, Dios Teety, jä'ä ko jëtu'un mijts të xytsyoky.

Lucas 1:3

Ëjts näjyëtu'un, jëëky mëku'uk Teófilë, tëëjës nyajtëy nyajtëtä'äky wi'ixjaty winë tyuunë jyajtën ko tsyo'onë'ky tsyo'ontäky. Oyës të nmëmay të nmëtajy ya'atë ko mijts ntuknijayë në'ëwitsy tu'uwitsy

1 Corintios 2:13

Yë'ë nimëtyakëm ja aaw ayuk mëti'ipë ja Dios ja Jya'awën të xytyuknija'awëmën, ka'ap yë'ëty ja naaxwiinyëtë y'ijxpëjkën të xytyuknija'awëm. Jëtu'un ja ja'ay ntukmëmëtyakmëty ja Dios ja y'aaw y'ayuk mëti'ipë ja Kënu'kxymyëkajtën myëët'ajtëpën.

2 Juan 1:1

Ja mëjja'ay Juan, tyajnaxy ja kajpxpo'kxën ma ja mëpëjkpëtëjkëtyën mëti'ipë ja Dios të wyin'ixëtën. Mëjwiin këjää miits ntsoktë njawëtë ets näjyëtu'un ni'ëmukë mëti'ipë të tnijawëtën ja tëyajtën,

Filipenses 4:22

Näyjyëtu'un mtuknikäxëtë ja kajpxpo'kxën ni'ëmukë mëti'ipë ja Dios kajpn'ajtëtëpën, yë'ë ni'ik mëti'ipë tuuntëpën ma ja Roma yajkutujkpë ja kyutujktaknën.

Hechos 17:34

Tam jënaakën y'ijtë mëti'ipë ojts myëpëktën ets ja Pablo tpatso'ontë. Tu'uk txëëwaty Dionisio mëti'ipë wintsën'ajtpën jam Areópago ets tu'uk ja to'oxytyëjk txëëwaty Dámaris ets ja wiinkëtypë mëti'ipë mëpëjktën.

Hechos 13:12

E ko jëtu'un t'ijxy ja yajkutujkpë, tää ojts ënätyë tmëpëky ja Wintsën. Janty mëjmëtoy tja'awëy ja Wintsën ja y'ijxpëjkën.

Hechos 13:7

Ya'atë xëëwmääpyë yë'ë ijty myëtuumpy ja yajkutujkpë Sergio Pablo. Wijy kejy ja yajkutujkpë ijty. Ënet ojts nikäxë ja Bernabé ets ja Saulo, Dios ja y'aaw y'ayuk y'amëtoow'itanëp.

Sofonías 3:12

Yë'ëjës nyaj'itäämpy ma mijtsën yë ja'ay mëti'ipë yu'unk naxym ja'ay'ajtpën, mëti'ipë nëjkx ëjts xytyuk'ijxpetyën.

Job 37:24

Paatykyëjxm yë naaxwiinyëtë ja'ay tsyë'ëkëty; oy ja'ay jënu'un y'ijxpëky'atëty yë'ë ka'ap tkumay.

Romanos 11:29

Ka'ap ja Dios wyinma'any tyëkatsy ko pën tii tmo'oy mëti'ipë të twin'ixyën.

2 Reyes 5:4

Tä ja Naamán ojts tninëjkxy ja yajkutujkpë jampë Sirië yajpaatyën ets tukmëmëtyäky wi'ix ënety ja to'oxy'ëna'k të y'ënä'änyën.