1 Corintios 1:21 - Biblia Dc en Mixe de Quetzaltepec

²¹ Ja Dios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Dios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

Biblia Mixe de Quetzaltepec

²¹ Ja Tios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Tios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

1 Corintios 1:21 ပူးပေါင်းရင်းမြစ်များ

Daniel 2:20

Mëët ya'atë aaw ayuk: Kënu'kxy yë xyëëw nyaaxëty xëmë yë Wintsën, jä'ä ko yë wyijy'ajtën ets kyutujkën yë'ë jyä'ä'ajtyp.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Lucas 10:21

Näy jää it ma ja Jesús ënety jotkujk nyäjyawëtyën mëët ko ja Kënu'kxymyëkajtën ënety të tyuktëkëty, ënät y'ënäny: Dios Teety, Wintsën tsajpjotmëpë ets naaxwiinypë, nmëjja'ap njaantyjya'ap mijts, jä'äkyëjxm ko ja ja'ay mëti'ipë yu'unk naxym ja'ay'ajtëpën, tëë xytyuk'ixy xytyuknijawë mëti'ipë të xytyukwinkuyu'tsyën ja wijyjyä'äytyëjk. Jëtu'un, Dios Teety, jä'ä ko jëtu'un mijts të xytsyoky.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Juan 12:31

Tyam të tpaaty ma ja naaxwiinyëtë ja'ay yajpaye'etyëtyën ets yaj'ëxwopëty mëti'ipë nyiwintsën'ajtypyën ja naaxwiinyëtë winma'any.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Romanos 11:33

Ni'ik ja Dios ja myëj'ajt jyääntyajtën kyëjääjëty ets näjyëtu'un ja wyijy'ajt kyejyajtën. Ni pën kyamayë tkajpxtë'kxëty mëti'ipë të tuknipëjktaakën ets ka'ap pën myäyëtëty twinjawëty ja nyë'ë tyu'u.

1 Corintios 1:18

Ko yajnikäjpxy yajnimëtyä'äky ko tëë ja Kristë y'ooky kruutskëjxm, ja ja'ayëty mëti'ipë nitëyë nëjkxtëpën ëyo'ontum jëtu'un tmëtowtë nanëkoo yowë tsuu mëtya'ak kupoj mëtyä'äky yajnikäjpxy; e ëëtsajtëm jënu'un ja nitsokën të npatëmë, nija'awëm ko Dios yë myëk'ajtën.

1 Corintios 1:23

e ëëtsajtëm yë'ë nikajpx nimëtyakëm ja Jesukristë, mëti'ipë ojts kruutskëjxm y'ookyën. Yë'ë ya'atë jutiis ja'ayëty näwyinkajpxpätë jya'awëtëp; ets mëti'ipë ka'ap jyutiis ja'ay'atën, tsuuwinma'any tijtë;

1 Corintios 1:24

e mëti'ipë ja Dios të wyin'ixëtën, wä'än tjutiisëty tkajutiisëty, ya'atë Kristë, yë'ë Dios yë myëk'ajtën ets wyijy'ajtën.

1 Corintios 1:25

Mëti'ipë ma Tiosën këxë'kpën tä tsuuwinma'anyën, ni'ik yë wijyajtën kejyajtën tmëëtëty këtiinëm yë naaxwiinyëtë ja'ay yë jyä'äjëty; ets mëti'ipë ja'ay tyijtëpën ko Dios wäänë mëk'ajtën tmëëtëty, yë'ë jëtu'un wäänëni'ik myëët'ajtyp ja mëk'ajtën këtiinëm ja mëk'ajtën mëti'ipë naaxwiinyëtë ja'ay myëët'ajtëpën.

1 Corintios 1:27

E tëë ja Dios wyinwitsëtë mëti'ipë yajtijtëpën tsuuja'ay yaa naaxwiiny ets tyajtsëtyu'unpaata'any ja ja'ayëty mëti'ipë nätyijëtëpën wijy kejy; ets tëë ja Dios twinwitsy ja mëti'ipë yajtijtëpën ëmaay paki'ix ets tyajtsëtyu'unpaata'any ja mëti'ipë nätyijëtëpën amëk jotmëk.

1 Corintios 11:32

Ko ja Dios xytyiytyu'unëmë, oy yë'ë, ets nja'akyujkëmëty këtiipë npatmëty ja tëytyu'unën mëët ja ja'ayëty mëti'ipë yajtuuntëpën ja naaxwiinyëtë winma'any.

1 Corintios 2:14

Pën ja Kënu'kxymyëkajtën ka'ap tmëëtëtyën, ka'ap tkupëky mëti'ipë ja Kënu'kxymyëkajtën jyä'ä'ajtypyën, jä'ä ko tsuuwinma'any tijy ets ka'ap tja'akyukë; ya'atë yë'ë mëët yajnijawë Kënu'kxymyëkajtën.

1 Corintios 4:10

Koos ja Kristë nmëpëktë, tsuuja'ayës nyajtijtë; nkukajpxëpës ja Kristë ko miits myajtijtë wijy kejy; ëëtsëty ka'apës njotmëk'atë, e miitsëty amëk jotmëk myajpaatë. Ka'apës ja'ay xytsyoktë, e miitsëty myajtsojktëp.

1 Corintios 6:2

¿Ka'ap xynyijawëtë ko ja mëpëjkpëtëjk pyaye'eytyëp näjyëtu'un ja naaxwiinyëtë ja'ayë? e pën miitsëty mnija'awëtyëp ko xypyaye'eya'antë ja naaxwiinyëtë ja'ay, ¿wi'ix ko ënät mkamayëtëty ja jotmay wäänëpë?

Gálatas 1:15

E tëëtëm ënety ja Dios xywyin'ixyës naamka'anëm nmëxu'unk'atynyëmës ets tëëtëm ënety myëyajtën mëët xyaxtsoyës,

Gálatas 4:8

Ko ijty miits ja Dios ka'ap xynyijawëtë, yë'ë ijty mmëtuuntëp ja ka'apë Tyiosëtyën.

Efesios 1:9

ets të xytyuk'ijxëm ja wyinma'any mëti'ipë ijty ka'ap yajnijawën wi'ix të tuknipëjktaakën tyajwintu'upëka'any mëët ja Kristë.

Efesios 3:10

Jëtu'un'äämpy tyam, mëët ja mëpëjkpëtëjkëty, nijawëtëty ja tsajpjotmëpë yajkutujkpëtëjk ja Dios ja wyijy'ajtën kyejyajtën mëti'ipë kanaakjëjp nikëxë'kpën.

Colosenses 1:19

Dios ojts kë'ëm tuknipëjktaakë ets tu'kë'ëyë ja mëj'ajtën yajpaatëty ma yë'ëjën,

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Santiago 4:4

Miitsëty, mëti'ipë ja Dios të y'ëxmatstën, ¿tii këtii xynyijawëtë ko ja Dios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Dios myëtsipëjkpy.

Santiago 5:15

Ko ëmuumtu'uk ja Dios tja'amyätstëty, tso'okaanp ja pa'amja'ay, yajmëkpëkëtëp ja Wintsën; ets pën tëë pyokytyuny, yajpokmyä'kxaanp jä'ä.

Santiago 5:20

nijawëtë ko pën ja pokyjyä'äy tyajwinpityp ma pokyjotm yajpaatyën, jap ënety të tyajpëtsëmy o'ktujk ets yë'ëkyëjxm ja ja'ay may ja pyoky yajnimä'kxa'antë.