1 Corintios 1:20 - Biblia Dc en Mixe de Quetzaltepec

²⁰ ¿Maa ja ixpëkyjyä'äy, ja yaj'ijxpëjkpë ets mëti'ipë tii nyimëtyaktëpën të nyëjkxta'atë? Dios, tsuuwinma'any të tpëjktä'äky ja wijyajtën kejyajtën naaxwiinypë.

Biblia Mixe de Quetzaltepec

²⁰ ¿Maa ja ixpëkyjyä'äy, ja yaj'ijxpëjkpë ets mëti'ipë tii nyimëtyaktëpën të nyëjkxta'atë? Tios, tsuuwinma'any të tpëjktä'äky ja wijyajtën kejyajtën naaxwiinypë.

1 Corintios 1:20 ပူးပေါင်းရင်းမြစ်များ

2 Samuel 15:31

E ko ja David yajtukmëmëtyäky ko ja Ahitófel jä'ä ënety mëët ja Absalón jëtu'unpë ja winma'any të tpaaty ko tnikäjpxytyunëtë ja yajkutujkpë, ënät ja David ënätyë ja Wintsën tmënu'kxtäky ets ja Ahitófel jëtu'unyë wyinma'anytyëkoyëty.

2 Samuel 16:23

jä'ä xëëw, ko ijty yë ja'ay tii tyajtëwtë ja Ahitófel, jëtu'un ijty nyäxy tä pën tii yë Dios tyajtëyën; jä'ä ko yë Ahitófel mëj'äämpy yë ja'ay jyëkyepyë, paaty yë David mëj'äämpy muum nyäxy ets Absalón mëët yë'ëkyëjxm ko ja Ahitófel jyamëty.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

Job 12:17

Yë y'ëwatsyp ets wijyjyä'äytyëjk wyinma'anytyëkoytyëty ets kutuunktëjk tsyuujëtëty pyojëtëty.

Job 12:20

Mëti'ipë ijty oy ja ëëwij kajpxwijën yajktëpën, ka'ap y'ëk'ayukpatnëtë ets ja mëjja'aytyëjk wiinkjaty winë tuunëtë.

Job 12:24

Pyëjkëp yë wyijy'ajtën yë yajkutujkpë mëti'ipë ënä'ämpën ma naax kajpnën ets jam tnajtswopë muum ma y'aanë'ëk tyëëtsë'ëkëtyën ets jam ka'ap y'ëktu'upatnë,

Isaías 33:18

Ko ënety jëna'a xyjyä'äymyetsy wi'ix ojts ja atsë'ëk ajawëpë xyajnaxyën, ënät nëjkx m'ëna'any: ¿Ma ënät tyam ja ja'ay mëti'ipë ijty yajkëpäjtpën? ¿Ma ënät tyam ja mëti'ipë ijty y'ijxyp tyuunpyën wi'ix ja meeny yaj'yäkyën ets wi'ix tyunyën? ¿Ma ënät tyam ja mëti'ipë ijty myëtyoowtääpyën ja mëjëtypë këjxmëtypë ja potsy?

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Isaías 53:1

¿Pën jëtää y'ëkmëpëkäämpy mëti'ipë të nmëto'owëmën? ¿Pën jëtää të t'ëk'ijxpë ja Wintsën ja myëk'ajtën?

Jeremias 10:7

¿Pën mka'ëktsë'ëkëtëp, mijts yajkutujkpë ma tëkokyë naax kajpnën? Mijts mpatëp myajtsë'ëkëty. Ma tëkokyë yë ijxpëkyjyä'äytyëjkën ets ma tëkokëty yë yajkutujkpëtëjkën naaxwiinypë yajpaatën, kamaa jëtu'unpë tä mijtsën.

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Dios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Dios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Juan 12:31

Tyam të tpaaty ma ja naaxwiinyëtë ja'ay yajpaye'etyëtyën ets yaj'ëxwopëty mëti'ipë nyiwintsën'ajtypyën ja naaxwiinyëtë winma'any.

Hechos 17:18

Mäjtskpëky ënety ja wijyjyä'äytyëjk jam yajpaatë: epicúreos tu'pëky yajtijtë, ets jatu'kpëky estoicos, ets y'ëna'antë: ¿Tii tääpë ja'ay atsä'pxy nyimëtyaktëp? Ets ja wiinkpë y'ënantë: Wiink tios yë yowë nyikajpxtëp. Paaty jëtu'un y'ënantë jä'ä ko ënety ja Pablo tnikäjpxy tnimëtyä'äky ja Jesús ets ko o'kpë jyuukpyëka'any.

Romanos 1:20

jä'ä ko ja Dios ja jyä'ä mëti'ipë ka'ap yaj'ixyën, pën yajmëmääpy yajmëtajp mëti'ipë yë'ë të tunyën. E mëtëy jëtu'un, jä'ä ko maju'unëm ja naaxwiinyëtë kyojyën, yë'ë të yajtuk'ijxy ko yë'ë Tyiosëty ets ko ja myëk'ajtën ka'ap kyukëxë. Paaty ka'ap ja ëxëëkja'aytyëjkëty yajpokymyä'kxantë.

Romanos 1:22

Jëtu'un ijty y'ëna'antë ko wyijy'at kyejy'atë, je'eyëp ko tsuu yë'ë të y'awinpitë,

1 Corintios 1:19

Ijxtëm ja Dios ja y'aaw y'ayuk këxja'ay myinyën: Nyajtëkoyäämpyës ja wijyjyä'äy ja wyijy'ajtënëty, ets nyajkutëkoyäämpyës ja kyëpety'ajtënëty ja ijxpëkyjyä'äytyëjkëty.

1 Corintios 1:26

Mëku'uktëjkëty, ja'amyätstë ko miitsëty Dios të myaxtsowëtë, oy ka'ap nëkooyë tii xyjyatë xynyijawëtë ijxtëm ja ja'ay myäytyën tyajtën, ets niwäänë miitsëty mëti'ipë kuttujkën mëëtën ets mëti'ipë myëku'uk'ajtëpën yë ja'ayëty mëj'äämpyë y'itën.

1 Corintios 1:27

E tëë ja Dios wyinwitsëtë mëti'ipë yajtijtëpën tsuuja'ay yaa naaxwiiny ets tyajtsëtyu'unpaata'any ja ja'ayëty mëti'ipë nätyijëtëpën wijy kejy; ets tëë ja Dios twinwitsy ja mëti'ipë yajtijtëpën ëmaay paki'ix ets tyajtsëtyu'unpaata'any ja mëti'ipë nätyijëtëpën amëk jotmëk.

1 Corintios 1:28

Dios tëë ja ja'ay twinwitsy mëti'ipë ka'ap yajtsoktën ets mëti'ipë ka'ap yajmëjjaw yajjaantyjyawëtën yaa naaxwiiny ets këtiipë yë'ë mëj'äämpy y'itëty mëti'ipë mëj këjxm näyajnajxëtëpën yaa naaxwiiny,

1 Corintios 11:32

Ko ja Dios xytyiytyu'unëmë, oy yë'ë, ets nja'akyujkëmëty këtiipë npatmëty ja tëytyu'unën mëët ja ja'ayëty mëti'ipë yajtuuntëpën ja naaxwiinyëtë winma'any.

1 Corintios 2:6

E ma ja mëti'ipë tëë ënety myëpëjknëtën yajxon, nyajtuuntës ja aaw ayuk tsipëtypë. Je'eyëp ko ka'ap yë'ëjëty wijyajtën kejyajtën mëti'ipë ja naaxwiinyëtë ja'ay ets yajkutujkpëtëjk yajtuuntëpën, mëti'ipë ka'ap tii mëk'ajtën tmëët'atyën.

1 Corintios 2:8

Yë'ë ya'atë mëti'ipë yë yajkutujkpëtëjk naaxwiinypë ka'ap të tja'akyukëtën. Ko jeexyë të tja'akyukëtë, ka'ap jeexyë ojts tyajkruutspätë ja Wintsën mëti'ipë myëët'ajtypyën ja mëj'ajtën jaanty'ajtën.

1 Corintios 3:18

Ni pën kë'ëm kyanäwyin'ëënëtëty: pën jää pën nyätyijyë wijy kejy ijxtëm ja naaxwiinyëtë ja'ay ja wyinma'anyëtyën, jëtu'un miits näpyëjkta'akëtë ijxtëm ja ja'ay ni'ik tsuupën mëti'ipë ka'ap tii tjaty nijawën, ënät miits myaj'ixtëty wijy kejy mëti'ipë ka'ap kyixy nyäxyën.

1 Corintios 3:19

Yë naaxwiinyëtë ixpëkyajtën tsuuwinma'any yë Dios tyajnaxy, jëtu'un ja Dios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Dios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

1 Corintios 6:2

¿Ka'ap xynyijawëtë ko ja mëpëjkpëtëjk pyaye'eytyëp näjyëtu'un ja naaxwiinyëtë ja'ayë? e pën miitsëty mnija'awëtyëp ko xypyaye'eya'antë ja naaxwiinyëtë ja'ay, ¿wi'ix ko ënät mkamayëtëty ja jotmay wäänëpë?

Santiago 4:4

Miitsëty, mëti'ipë ja Dios të y'ëxmatstën, ¿tii këtii xynyijawëtë ko ja Dios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Dios myëtsipëjkpy.