1 Corintios 1:17 - Biblia Dc en Mixe de Quetzaltepec

¹⁷ Ka'ap ja Kristë ojts xykyexyës yajnëëpäjtpë, yë'ëjës xytyuknikäjx etsës nkajpxwa'kxëty ja oy aaw oy ayuk, ka'ap myëëtëty yë naaxwiinyëtë ja'ay wyijajtën, këtiipë ja Kristë wyë'ëmëty tukxi'iky ko të y'ooky kruutskëjxm.

Biblia Mixe de Quetzaltepec

¹⁷ Ka'ap ja Kristë ojts xykyexyës yajnëëpäjtpë, yë'ëjës xytyuknikäjx etsës nkajpxwa'kxëty ja oy aaw oy ayuk, ka'ap myëëtëty yë naaxwiinyëtë ja'ay wyijajtën, këtiipë ja Kristë wyë'ëmëty tukxi'iky ko të y'ooky kruutskëjxm.

1 Corintios 1:17 ပူးပေါင်းရင်းမြစ်များ

1 Corintios 2:1

Mëku'uktëjkëty, koos ojts jam n'otsy ma miitsëtyën ets ntukmëmëtyaktë ja Dios mëti'ipë ijty ka'ap yajnijawën, ka'apës ojts nyajtuny ja aaw ayuk tsipëtypë.

1 Corintios 2:13

Yë'ë nimëtyakëm ja aaw ayuk mëti'ipë ja Dios ja Jya'awën të xytyuknija'awëmën, ka'ap yë'ëty ja naaxwiinyëtë y'ijxpëjkën të xytyuknija'awëm. Jëtu'un ja ja'ay ntukmëmëtyakmëty ja Dios ja y'aaw y'ayuk mëti'ipë ja Kënu'kxymyëkajtën myëët'ajtëpën.

2 Pedro 1:16

Ja ijxpëjkën mëti'ipë tmooytyën ko ja Wintsën Jesukristë myina'any yaa naaxwiiny jatëkok mëët ja myëk'ajtën, ka'apës kë'ëmwinma'any ojts nma'kxtë etsës jëtu'un n'ëna'antëty, nwiinës mëët ntimy'ijxtë ja Wintsën ja myëj'ajtën jyääntyajtën.

2 Corintios 10:10

Jä'ä ko tam mëti'ipë ënaanpën: Yë Pablo nëkoo y'ëk'ënä'ämnë mëët yë noky, koos muum nyajpaaty ka'apës pën tii ntuk'atsip'aty ets ka'apës pën tii atsip ntuktuny.

2 Corintios 4:2

Ka'apës tii ayu'utsy të ntuntë jëtu'un tä jeexyë tii yajtsëtyu'unjawën; ka'apës pën je'eyë të nwin'ëëntë ets ja Dios ja y'aaw y'ayuk të nyajtëkajtsëtë, tëy jaantyës të nnikäjpxy të nnimëtya'aktë mayjyä'äyjoty Dios wyintum.

Juan 4:2

oy ja Jesús yë'ëjëty kyayajnëëpety, jä'ä ko ja y'ijxpëjkpëtëjk ënety yajnëëpäjtëp.

2 Corintios 11:6

Oyës nyajtijy koos n'awë'ëmë, nija'apës mëti'ipës nikäjpxypën. Miitsëty tëë wa'ats ntuk'ix ntuknijawëtë wi'ixës winë të ntuntën.

Hechos 10:48

Tääts ja Pedro ojts tni'ënä'ämë ets nyëëpätëty Jesús xyëëwkyëjxm. Ja mëpëjkpëtëjkëty ojts nëëmëtë ja Pedro ets tjaakwë'ëmëty ti'k xëëw mäjtsk xëëw jam mëëtëty.

Juan 4:1

Tääts ja fariseë ja'ayëty tnija'awëtyë ko ja Jesús wäänëmay ja ja'ay pyajëtityë ets tyajnëëpety këtiinëm ja Juan;

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.