1 Corintios 1:12 - Biblia Dc en Mixe de Quetzaltepec

¹² Yë'ës ntijpy ko miits jënaakën m'ëna'antë: Pablo jyä'ä npatuunëtëpës; wiinkpë y'ëna'antë: Apolo jyä'ä npatuunëtëpës; wiinkpë: Pedro jyä'ä npatuunëtëpës; ets wiinkpë: Kristë jyä'ä npatuunëtëpës.

Biblia Mixe de Quetzaltepec

¹² Yë'ës ntijpy ko miits jënaakën m'ëna'antë: Pablo jyä'ä npatuunëtëpës; wiinkpë y'ëna'antë: Apolo jyä'ä npatuunëtëpës; wiinkpë: Pedro jyä'ä npatuunëtëpës; ets wiinkpë: Kristë jyä'ä npatuunëtëpës.

1 Corintios 1:12 ပူးပေါင်းရင်းမြစ်များ

1 Reyes 16:21

Ënet ojts ja Israel kajpn nyäwyä'kxyë mäjtskpëky. Tu'kpëky jä'ä pyutëjkëp ja Tibní, Guinat yë myaank ets yë'ë yajkutukëty, e jatu'kpëky jä'ä pyutëjkëp ja Omri.

Mateo 23:8

Miits këtii yë'ë xytsyojkën'atëty ets ja ja'ay mtijëtëty yaj'ijxpëjkpë, jä'ä ko miitsëty aak tu'kmëku'uk ets tu'uk je'eyë xymyëët'atë ja yaj'ijxpëjkpë.

Juan 1:42

Tääts ja Andrés ojts twoownëjkxy ja Simón ma ja Jesús. Ko Jesús y'ijxë ënät y'ënëmaayë: Mijts mSimonk'ajtpë, Juan y'u'unk. Cefas tyam mxëëwajtnëty, mëti'ipë griego ayuk niwijpën Pedro.

Hechos 18:24

Näy jää tiempo tu'uk jyä'äjty ja jutiis ja'ay jam Éfeso, mëti'ipë xyëëwajtypyën Apolo, Alejandría kyukajpnëty. Oy ijty kyäjpxy myëtyä'äky ets nyija'ap ja Dios ja y'aaw y'ayuk.

Hechos 19:1

Naamtamnëm ënety ja Apolo y'itynyëm Corinto ko ja Pablo tuknajxy ja tunjot kopkjot ets jyä'äjty Éfeso ma tpatyën ja mëpëjkpëtëjk.

1 Corintios 1:11

Paatyës jëtu'un n'ëna'any jä'ä ko tëëjës xytyuk'ëwaanëtë ja Cloé jyiiky myëku'ukëty ko miits mnämyëtsip'atëtë.

1 Corintios 15:5

ko ojts nyänyikëxë'ëkyë ma ja Pedro, ma ja y'ijxpëjkpëtëjkën ja nimajkmäjtskpë.

1 Corintios 15:50

Mëku'uktëjkëty, yë'ëjës ntijpy, ko ja ni'kx kopk mëët ja ne'pyny ets ja xixy, mëti'ipë nmëët'ajtëmën, ka'ap nëjkx yë'ëjëty nyijkx ma ja Dios ja kyutujktaknën; ets mëti'ipë o'kpën, ka'ap nëjkx xëmëkyëjxm y'ity.

1 Corintios 16:12

Tëës ja Apolo nmënu'kxtä'äky ets nëjkx mni''ixëtë mëët ja nmëku'uk'ajtëmë, je'eyëp ko tyam ka'ap nyanëjkxa'any, jäänëm nyëjkxëty ko ënety ja tiempo tmëëtëty.

1 Corintios 4:6

Mëku'uktëjkëty paaty ya'atë ntukmëmëtya'aktë ets miits xytyuk'oy'attëty, ko npëjktä'äkyës yë Apolo ijxtëm tu'uk ja ijxpäjtën ets ëjts näjyëtu'un. Yë'ëkyëjxm ets jëtu'un mja'ay'atëty ijxtëm ëëtsëtyën ets këtiipë nëkoo tii tëkatsy xytyuntëty, këtiipë pën tni'ikëty mëti'ipë jap këxja'ay miinpën, këtiipë tu'uk xypyukajpxëtëty ets tu'uk xy'ixtijtëty.

1 Corintios 7:29

Mëku'uktëjkëty, yë'ëjës ya'atë njatijpy, yiin wäänë njaakjuuky'ata'anëmë yaa naaxwiiny. Paaty, mëti'ipë pëkyëtyën jëtu'un tsyëënëtë ijxtëm jeexyë ka'ap pyiky'atën, ja Dios jyä'ä tyukjotëkoytyëp.

1 Corintios 9:5

ets nmëët'ajtmëty tu'uk ja to'oxytyëjk mëti'ipë mëpëjkpën, ijxtëm ja wiinkëtypë ja ijxpëjkpëtëjkëtyën ets ja Wintsën Jesús ja myëkä'äxtëjk ets ja Pedro.

2 Corintios 10:7

Miits yi'iyë m'ijxtëp mtuntëp wi'ix tii nyikëxë'ëkyën. Pën ënaanp ko ja Kristë jä'ä'ajtëp, wa'ats tnijawëty koos näjyëtu'un ja Kristë xyjyä'ä'atë.

2 Corintios 9:6

Ja'amyätstë ya'atë: Pën wäänë nip, wäänë ja pyëjktä'äky tyajpëtë'ëka'any; pën may nip, may ja pyëjktä'äky tyajpëtë'ëka'any.

Gálatas 2:9

Paaty ja Santiagë, Pedro ets ja Juan, mëti'ipë ijty yajtijtëpën ko jam tnikopk'atë ja mëpëjkpëtëjk, yë'ë ojts tnijawëtë ko Dios ënety të tuny ja mëyajtën etsës xykyupëktëty, ëjts ets ja Bernabé. Jä'äkyëjxm ets yaj'ix yajnijawëty koos ënety të xykyupëktë ijxtëm ja myëku'ukëtyën ënät ojts tkäjpxy'atë etsës nëjkx ntuntë ma ja ja'ayëtyën ka'apë jyutiis'atën ets yë'ëjëty ojts wyë'ëmtë tuunpë ma ja jutiis ja'ayëtyën.

Gálatas 3:17

Ya'atës jëtu'un ntijpy: Dios ojts tuny ja käjpxytyu'unën mëët ja Abraham ets ojts nikajpxë. Paatykyëjxm ja Moisés ja y'ënä'ämën mëti'ipë ojts myinyën kom taxk mëko'px ja i'px majk jëmëjt, ka'ap tjëkyepy tyëkoyëty ets nyatëkë'atëty mëti'ipë ja Dios wyaantakën.