1 Pedro 3:10 - K'iche' (New Orthography)

¹⁰ Je ri' ri kub'ij ru Loq' Pixab' ri Dios ri Tz'ib'talik: Jachin ri kraj jun utzalaj k'aslemal, käkikot na amaq'el ronojel q'ij, chujik'a b'a' ri raq', mub'ij ri k'äx u b'ixik, xane chutz'apij ru pu chi' rech man kub'an tä tzij, —kächa'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Qas tzij: Ri winaq ri karaj kukꞌaslebꞌej ri ukꞌaslemal pa jaꞌmaril, rajawaxik qas kunaꞌ na ri kubꞌij, chuqꞌila ribꞌ chubꞌixik bꞌanoj taq tzij.

Quiché Bible

¹⁰ Rumal rech chi cubij ri Tz'ibatalic: “Apachin ri cäraj culok'ok'ej ri c'aslemal xukuje' cäril utzalaj tak k'ij, mubij ba' etzelal ruc' ri rak', mutzijoj subunic ruc' ri u chi'.

K'iche'

¹⁰ Je ri' ri cubij ru Lok' Pixab ri Dios ri Tz'ibtalic: Jachin ri craj jun utzalaj c'aslemal, cäquicot na amak'el ronojel k'ij, chujic'a ba' ri rak', mubij ri c'äx u bixic, xane chutz'apij ru pu chi' rech man cuban tä tzij, —cächa'.

1 Pedro 3:10 ပူးပေါင်းရင်းမြစ်များ

Ri Matey 19:17

Ri Jesús xub'ij che: ¿Jas che kab'ij chwe chi utz ri in? Man k'o tä jun qas utz, xane xaq xuwi ri Dios, —xcha che. We k'u kawaj kariq ri k'aslemal ri man k'o tä u k'isik, chanimaj ru taqanik ri Dios, —xcha che.

Marcos 8:35

Apachin ta ne ri kraj kuto' u wi' ru k'aslemal cho ruwächulew, käkäm k'u na wa' we winaq ri', kutzaq na ronojel. Man kuriq tä na ri' ri k'aslemal ri man k'o tä u k'isik. Apachin ta ne ri kuya ru k'aslemal rumal wech in, xuquje' rumal rech ri Utzalaj Tzij re ri Evangelio, kuto' na u wi' ri qas u k'aslemal, —kächa'.

Ri Xuan 1:47

Ri Jesús, aretaq xrilo chi petinaq ri tat Natanael, xub'ij: Xpe jun achi ri qas aj Israel, ri man k'o tä sub'unik pa ranima', —xcha'.

Ri Xuan 12:25

Apachin ta ne ri loq' käril wi ru k'aslemal, käkäm na wa' ri winaq ri', kutzaq na ronojel. Apachin k'u ri man loq' taj käril wi ru k'aslemal cho we uwächulew, kuto' na u wi' ri', kuriq k'u na ri k'aslemal ri man k'o tä u k'isik.

Santiago 1:26

We k'o jun kuchomaj chi are utzalaj kojonel, man retam tä k'ut kujik' ri raq', wa' we winaq ri' xaq tajin kusub' rib'. Ri kojoninaq wi ri are', man k'o tä k'u u patän wa' che.

1 Pedro 2:1

Rumal k'u ri' chiya b'a' kan u b'anik ronojel u wäch etzelal, mixsub'un chik, mib'an xaq kieb' i wäch, k'äx mina' chkij nik'iaj winaq chik aretaq käkiriq utzil, man kiyak tä k'u tzij.

1 Pedro 2:22

Ri Cristo man k'o tä mak xub'ano, man xub'an tä k'u tzij che ki sub'ik ri winaq.

Apocalipsis 14:5

Man käriqtaj tä jun b'anal tzij chkixol, xane ch'ajch'oj ri kanima' cho ri je'lalaj u t'uyulib'al ri Dios.