Zacarías 9:4 - Tayta Diosninchi Isquirbichishan

⁴ Chayno caycajtami Tayta Diosga llapanninta guechurengapaj. Nircurmi ima-aycantapis ushajpaj lamarman jitarponga. Siudätanami ushajpaj rupaycachenga.

Zacarías 9:4 ပူးပေါင်းရင်းမြစ်များ

Proverbios 10:2

Mana allicunata ruraypa rïcuyashanga manami dürangachu. Limyu mana yatapacoj cajcunami ichanga wañuypitapis salbacun.

Proverbios 11:4

Fisyu chayamushan junäga ima riquësanpis manami chapangachu. Juchaynaj limyumi ichanga wañuypitapis salbaconga.

Isaías 23:11

Tayta Diosmi lamar jananpa maquinta jogarisha. Intëru nasyuncunatami sicsicyachisha. Canaán nasyunpa pacacuna siudänincunata illgächinanpämi nisha.

Ezequiel 26:17

Chaymi wañushapaj cantanata cantapäshunquipaj. Caynömi nenga: « ‹¡Achachau! Imanöparaj chaynöga ruracashcanqui. Pï-maypitapis rejsisha caycaj siudä, lamar cantunpita illgashcanquimi. Gamga fiyupa munayniyojmi carayqui. Bisïnuyqui nasyuncunacho tiyajcunataga llapantami mancharachej-canqui.

Ezequiel 28:16

Achca nigusyuta arurmi mana alli ruraycunallaman, jucha rurayllamanna ticrashcanqui. Chaypitami ñaupäpita gargushcä; «Diospa jircan» nishayquicunapitapis jitarishcä. Querubín anjil täpaycäshojmi achicyaycachaycaj rumicunapa ñaupancho puriycajta jorgushurayqui.

Ezequiel 28:18

Fiyupa aypallami juchayqui. Nigusyuta arur achcatami suwapashcanqui. Chayno rurarmi templuyquicunatapis ganrachishcanqui. Chaypitami, ninata ratarachishcä rupar ushacurcushunayquipaj. Llapanmi ricashunquipaj allpacho uchpayasha caycajta.

Ezequiel 28:2

«Runa, gamga Tiropa rayninta cayno niy: ‹Tayta Diosmi cayno nin: « ‹Gamga pasaypami alli-tucurayqui. Mana Dios caycar, runalla caycashpayqui nishcanqui: «Nogaga diosmi cä. Jamaraycäpis dioscuna jamaränanchömi; lamarpa chaupinchömi caycäpis» nir. «Juc dios yarpashannömi yarpäpis» nir yarpashcanqui.

Ezequiel 28:8

Ruri uchcumanmi gaycurishunquipaj. Lamarpa mas jundunninchömi rätu wañurinquipaj.

Joel 3:8

Judá runacunamanmi ranticushaj ollgu warmi wamrayquicunata. Paycunanami ranticonga Sabá runacunaman. Chay runacunaga musyashayquinöpis fiyupa caruchömi tiyarcaycan. Noga Tayta Diosmi nishcä chayno cananpaj.» Sercacho caycaj nasyuncunapaj Joel niran:

Amós 1:10

Tiro siudäpa curral pergancunamanmi ninata sindipaycushaj. Chay ninami rupar ushacurconga palasyuncunata.»

Zacarías 9:5

Chayno caycajta ricashpan Ascalón siudächo tiyajcunaga fiyupa mancharishpan manami ima ruraytapis camäpacongapänachu. Gaza runacunapis fiyupa llaquicur sic-sicyangarämi. Ecrón runacunapis fiyupami llaquiconga. Llaquiconga Tiro runacuna manana yanapänanpaj captinmi. Gaza siudäga rayniynajmi ricacongapaj. Ascalón siudächöga manami runacuna cangapänachu.