Zacarías 9:13 - Tayta Diosninchi Isquirbichishan

¹³ Pillyacho lëcha jitacunätami chutashana caycächë. Chay lëcha jitacunanöga caycan Judämi. Israeltanami lëchantano churashcä. Sión, gamnami canquipaj juc sablino. Gamcho tiyajcunataga ticrachishäpaj Grecia nasyuncho tiyajcunapa contranmi.»

Zacarías 9:13 ပူးပေါင်းရင်းမြစ်များ

Salmos 144:1

Alabasha cachun imapitapis chapämaj Tayta Diosga. Paymi nogataga yachachiman camaricachiman guërracho pillyanäpäpis.

Salmos 149:6

Llapan callpayquiwan Tayta Diosta alabay. Nircur ishcan-läpa afilasha sablita aptay.

Salmos 45:3

Jinyu ray, sabliquita chegllayquiman jaticuy. Tayta ray, chaywanga achicyaypa achicyar sumajmi camaranqui.

Isaías 49:2

Rimashäcuna fiyupa afilasha sablino cananpämi camacächisha. Maquinwanmi ima-aycapitapis chapamasha. Fiyupa llauchi lëchamannömi ticrachimasha. Nircorga lëchata purichicunanmanmi wiñamasha.

Jeremías 51:20

Mastapis Tayta Dios niran: «¡Babilonia, gamga canqui pï-maytapis tacacuna cumbämi, guërracho pillyacuna armämi! Gamwanmi nasyuncunata ushashcä. Raycuna mandashantapis illgächishcä.

Lamentaciones 4:2

Sión runacuna unayga caran alli rispitashami. Fiyupa cuestaj goripitapis mas alli ricashami caran. Cananga pï-maypis rican mana yachaj runa allpa mancata rurashantanöllana.

Amós 2:11

Gamcunachöga waquinta churashcä profëtä cananpaj. Waquintanami acrarä nazareo cananpaj. Israelcuna, ¿manachu chayno camacächirä?» Tayta Diosmi chayno nisha.

Abdías 1:21

Llapanta binsiycurnami Sión lömaman aywanga. Chaypitanami Edom runacunataga maquincho chararanga. Ichanga llapanpis nogapa maquëchömi caycanga.»

Zacarías 1:21

Chaura noga tapurä: «¿Imamantaj shamusha cay jirrërucunaga?» nir. Chaura pay nimaran: «Wagracunaga caycan Judá nasyun runacunata wacpa-caypa machicächej munayniyoj nasyun runacunami. Cay jirrërucunami shamusha chay munayniyoj nasyun runacunata fiyupa mancharachinanpaj, Judá nasyun runacunata wagraycällar wacpa-caypa machip-machishpan wagranta tacar tunirachinanpaj.»

Efesios 6:17

Salbasha cashayquina juc cascuno cachun. Tayta Diosninchïpa palabranta Espíritu Santu goshushayquina sablino cachun. Chaycunata churacuy Satanasta sumaj ichipänayquipaj.

2 Timoteo 4:7

Suldärunömi llapanta cumlishcä. Llallinacojnömi chayashcäna. Yäracushätaga manami cachaycushcächu.

Hebreos 4:12

Tayta Diospa palabranga fiyupa munayniyojmi. Cawajmi. Ishcan-läpa afilasha sablipitapis mas fïnumi. Runapa shonguncamami chayan. Tulluncunatapis päsarir togshuncamami chayan. Runa imata yarpashallantapis, imata munashallantapis taripanmi. Llap-llapantami musyacächin.

Apocalipsis 1:16

Derëchu caj maquinchömi chararaycaran ganchis goyllarcunata. Shiminpitanami ishcan lädunpa afilasha sabli llojshimuran. Cärannami intino fiyupa achicyaycaran.

Apocalipsis 17:14

Nircur waräcuywan chay mandajcuna Cashni uyshapa contran jatarenga. Chaypis raycunapa Raynin carmi Cashni uysha binsenga. Payga binsenga Tayta Dios acrashan runacunawanmi. Chay runacunaga caycan Tayta Dios gayashanmi, payta wiyacojcunami.»

Apocalipsis 19:15

Llapan nasyuncunata castigananpämi afilasha sabli shiminpita llojshimuran. Chaywanmi llutanta ruraj runacunata fiyupa rabyar mana cuyapaypa castiganga. Übasta gapchishannömi runacunata castiganga llapanpaj munayniyoj Tayta Diosta rabyachishanpita.

Apocalipsis 19:21

Waräcuypa suldäruncunatanami yuraj cawalluta muntaraycäga wañuchiran shiminpita llojshimoj sabliwan. Chay wañojcunapa aychantanami aycha micoj äbicuna sacsanancama micuran.

Apocalipsis 2:12

«Pérgamo marcacho caycaj ermänucunata ricaj anjilpaj cay nishäcunata isquirbiy: Nogami ishcan lädunpa afilasha sablita charaycä.