Zacarías 8:7 - Tayta Diosninchi Isquirbichishan

⁷ «Noga, munayniyoj Tayta Diosmi cayno në: Nogami acrashä runacunata salbashaj inti yagamunan caj-lä nasyun runacunapa munayninpita, inti yaganan caj-lä nasyun runacunapa munayninpitapis.

Zacarías 8:7 ပူးပေါင်းရင်းမြစ်များ

Nehemías 1:9

Gamman yapay yäracamur mandamintuyquicunata cumliptëga may-chaycho mashtacasha caycajtapis rispitashunayquipaj acrashayqui pachaman yapay shuntamänayquipämi nimarayqui.

Salmos 113:3

¡Tayta Diosta alabachun cay pachachöga intërucho!

Salmos 147:2

Tayta Diosga Jerusalentapis allchaycächinmi. Israelcuna mashtacasha caycajcunatapis shuntaycämunmi.

Salmos 50:1

Munayniyoj Tayta Diosninchïmi gayachisha cay pachacho tiyajcunataga juc cantupita juc cantucama.

Isaías 49:12

¡Masqui ricäriy! May carupitashi aywarcaycämun: Waquenga norte caj-läpita, waquenga inti yaganan cajpita. Waquinnami aywarcaycämun Asuán partipita.»

Isaías 59:19

Tayta Diosga fiyupa chayasha mayu aywar jaytarejnörämi chayamongapaj. Llapan runami inti yagamunan caj-läpita-pacha inti yaganan caj-läcama Tayta Diosta rispitangapaj fiyupa munayniyoj caycajta ricashpan.

Jeremías 31:8

Paycunataga norte caj-lächo caycaj nasyunpitami cutichimushaj. May-chaycho caycajtapis shuntamushämi. Paycunawanmi shamonga gapracuna, wegrucuna, itiyoj warmicuna, gueshyaj warmicunapis. ¡Fiyupa aypallami cutimonga!

Ezequiel 11:17

Mastapis cayno ninqui: ‹Tayta Diosmi cayno nin: «Nogami shuntamushayquipaj maymanpis mashtacächishä nasyuncunapita. Intërupita cutiycachimurmi Israel nasyuncho caycaj chacracunataga goycushayquipaj» nir.›

Ezequiel 36:33

« ‹Noga Tayta Diosmi në: Llapan juchayquicunapita limyuyächishä junäga camacächishaj siudäniquicunacho yapay tiyanayquipänami, juchuchisha caycajcunatapis yapay jatarachinayquipänami.

Zacarías 10:6

«Nogami callpayojyächishaj Judäpita mirar aywaj runacunataga. Josëpita mirar aywajcunatapis salbashaj. Yapaymi cutichimur nasyunninman pushamushaj. Chaynöga rurashaj paycunata cuyapashpämi. Chaura paycunaga cangapaj noga imaypis mana cachaycushänömi. Nogami caycä mañacamashanta wiyaj Tayta Diosnin.

Malaquías 1:11

Mundu intërucho may-chaychöpis nogataga rispitamanmi. May-chaychöpis nogapa jutëcho insinsuta rupaycächinmi. Nogapäga alli ofrendallatami churanpis.

Deuteronomio 30:3

Tayta Diosninchi cuyapäshushpayquimi alli goyaymanna churashunquipaj. May nasyuncunamanpis jitarishushayquipita shuntamushunquipämi.