Zacarías 8:5 - Tayta Diosninchi Isquirbichishan

⁵ Wamracunapis ollgu warmi läsaman shuntacashpan chaycho pucllangapaj.

Zacarías 8:5 ပူးပေါင်းရင်းမြစ်များ

Jeremías 31:12

Cutiycamorga Sionman aywaycärir cushisha cantanga. Bindisyunnëwanmi cushisha goyanga. Achcami canga rïgupis, bïnupis, asëtipis, uyshapis, wäcapis. Chaura paycunaga caycangapaj alli pargusha wertanömi. Manami yapayga imaypis ñacanganachu.

Jeremías 31:13

Cushishami dansanga jipashcunapis auquincunapis, mösucunapis. Nogami cushicachishäpaj. Llaquicur wagashanpitapis cushicur goyänanpämi camacächishaj. Llaquicur ñacashanpitapis masrämi cushicachishaj.

Jeremías 31:27

Tayta Diosmi nin: «Shamoj watacunachöga Israel runacunapis, Judá runacunapis, uywacunapis aypallaman mirananpämi camacächishaj.

Jeremías 33:11

cushisha fistata rurarcaycajta, majachacashpan fistata rurarcaycajtapis. Templumanpis agradësicamashpan ofrendacunata apamongapämi. Chaynöpis wiyanquipämi «Munayniyoj Tayta Diosta agradësicuy pay alli cashanpita, cuyacoj caynenga imaypis mana ushacaj cashanpita nejta. Rimashäno rasunpami nogaga cay nasyunpa surtinta rucachishaj unayno cananpaj. Noga Tayta Diosmi chayno në.»

Lamentaciones 2:19

Chacaycunapapis jatarcur waray-waray gaparay. Llapan llaquicuycashayquipita Tayta Diosta willapay, wagapay. Mañacushpayqui maquiquitapis chojpacuy. Ruwacuy yargaypita wamrayquicuna mana wañunanpaj. Micunanpaj imapis mana captinmi wamrayquicunaga cällicunachöpis wañurcaycan.

Zacarías 2:4

Taripaptin niran: «Cörriyllapa ayway tagay mösuta cayno ninayquipaj: ‹Jerusalenchöga aypalla runacunanami tiyanga. Uywacunapis aypallami cangapaj. Chaymi manana canganachu siudäpa curralnin pergapis› nir.

Zacarías 2:8

Gamcunata ima-aycayquitapis guechushoj nasyuncunamanmi munayniyoj Tayta Diosga cachamasha. Paymi nin: «Pipis acrashä runacunata ñacachej cäga ñawi ñïñötami togriycan.