Zacarías 8:21 - Tayta Diosninchi Isquirbichishan

²¹ Chauraga juc siudächo tiyajcuna mas juc siudächo tiyajcunata nengapaj: ‹¡Aywashun munayniyoj Tayta Dios caycashanman. Payta mañacushun noganchïtapis bindisyunta gomänanchïpaj!› Niptin jucaj siudächo tiyajcunanami nenga: ‹¡Nogacunapis aywämi!› nir.

Zacarías 8:21 ပူးပေါင်းရင်းမြစ်များ

2 Crónicas 11:16

Leví runacunawan cüracuna Judäman aywacuptin llapan shongunpa Tayta Diosta sirbejcunapis intëru Israelpita aywacuran. Unay awiluncuna rispitashan Tayta Diospaj uywancunata pishtananpaj aywacuran.

Salmos 103:22

Tayta Diosta alabay-llapa pay camashan cäga maychöpis pay mandashan cajchöga. Nogapis llapan shongöpami Tayta Diosta alabashaj.

Isaías 2:3

Aypalla runacunami shamunanpaj cayno parlaconga: «Aywashun-llapa, Jacobpa Tayta Diosninpa Templun caycashan jircaman wichänapaj. Chaychönami willamäshun imano goyänanchïpaj cashantapis. Chaynöpana pay munashanno llapantapis rurashun» nishpan. Jerusalenpitami Tayta Diosga yachachimäshun. Chay Sionpitanami parlapämonga.

Jeremías 31:6

Juc junäga ricchacojcuna Efraín trïbu runacuna tiyashan jircacunapita gayacongapaj: ‹Llapayqui shamuy, Tayta Diosninchi Sioncho caycashanman aywanapaj› nir.»

Oseas 6:3

Tayta Diosman cutishun ari. Cutiptinchëga Tayta Diosmi noganchïman shamongapaj. Inti waran-waran yagamushannöpis Payga rasunpami shamonga. Jachacuna chillguinan wichan, waytanan wichan imaypis tamya tamyashanno rasunpami shamonga.

Zacarías 7:2

Chay wichan Betel runacunaga cachata cachacuran Sarezerta, Regem-melecta waquin runacunatawan. Cachacuran Tayta Dios paycunata yanapänanpaj mañacoj.

Zacarías 8:22

Chaymi Jerusalenmanga shamongapaj achca nasyunpita chaychica runacuna munayniyoj Tayta Diosta mañacur ‹bindisyunta gomay› ninanpaj.

Juan 1:37

Chayno niptin Juanpa ishcaj disïpuluncunaga Jesuspa guepanta aywaran.