Zacarías 7:6 - Tayta Diosninchi Isquirbichishan

⁶ Gamcunaga micur, upurpis quiquiquicuna alli canallayquipämi rurarcaycanqui.

Zacarías 7:6 ပူးပေါင်းရင်းမြစ်များ

1 Crónicas 29:22

Chay junäga micuran, upuran Tayta Diospa ñaupancho llapan fiyupa cushicuywan. Nircurna Davidpa wamran Salomontaga ray cayta gallaycunanpäna yapay niran. Tayta Diospa ñaupancho asëtita wiñaparan munayniyoj mandaj cananpaj. Sadoctapis churaran cüra cananpaj.

Isaías 43:23

Nogapaj uyshacunata rupachinayquipaj manami apamushcanquichu. Rispitamashpayqui manami uywacunata garamashcanquichu. Nogaga manami ‹chaqui micuy ofrendacunata garamay› nir yamacächishcächu. Manami ‹insinsuta saumachiy› nir rabyachishcächu.

Isaías 58:3

Chaypis nircaycäman: ‹Mana ricaycämaptiquega ¿imapätaj ayunashäcunapis? ¿Imapätaj cuerpöcunatapis ñacachishaj gam mana cuentata apacuycaptiquega?› Nishpayquipis gamcunaga ayunay junaj nigusyullatami arurcaycanqui. Piyunniquicunatapis amatar aruchishpayqui ñacaycächinqui.

Oseas 8:13

Paycunaga amatarmi munan uywacunata pishtapämayta. Nircur pishtashan uywacunapa aychantaga micucarcärin. Noga Tayta Diosga manami cushicöchu chayno rurashanpita. Mana allita rurashancunatami yarpäshaj. Juchanpita castigashpämi Egiptuman cutichishaj.

Oseas 9:4

Tayta Diostaga bïnutapis manami garanquipänachu. Uywacunatapis manami pishtapanquipänachu. Micushayqui tantaga canga wañupacur micunan tantanöllanami. Pipis chay tantata micoj cäga ganranami cangapaj. Chay tantataga quiquiquicunallami micunquipaj. Manami allichu canga Tayta Diosta garanayquipäga.

Zacarías 7:5

«Chay nasyuncho caj llapan runacunata, cüracunata niy noga cayno nishäta: ‹Gamcuna ganchis chunca (70) watantin pichga caj quillacho, ganchis caj quillacho juc junaj llaquicushpayqui ayunashpayqui ¿rasunpa nogata rispitamashpayquichu ayunashcanqui?

Zacarías 7:7

Canan chayno niycashätaga ¿manachu unayna profëtäcunawan willachirä? Chay wichan Jerusalenchöga allimi goyarcaycaran. Runacunapis juntami caycaran. Läduncho caj siudäcunachöpis chaynömi caycaran. Chay wichanga Néguev partichöpis, may-may jatun guechwa pampachöpis runacuna juntami tiyarcaycaran.› »

1 Corintios 10:31

Noganchïpäga mas alli caycan Tayta Dios alabasha cananta ashiymi. Chaymi gamcunaga micurpis, upurpis, imata rurarpis Tayta Diosninchi alabasha canallanpaj ruranayqui.

Deuteronomio 12:7

Chaychöga Tayta Diospa ñaupanchömi micunquipaj. Llapan famillyayquicunawan cushicur micunqui micuyniqui alli wayunanpaj Tayta Dios bindisyunta goshushayquipita.

Deuteronomio 14:26

Chaychönami ranticushayqui guellaywan munashayquita rantinqui wäcata car, uyshata car, bïnuta car, ima machächicojta carpis. Nircorga Tayta Diospa ñaupancho llapan famillyayquicunawan cushicushpayqui micunqui.

Colosenses 3:17

Imata rurar, imata parlarpis Tayta Jesucristo munashannölla caway. Jesucristo salbashushayquipita imaypis Tayta Diosninchïta agradësicuy-llapa.

1 Samuel 16:7

Ichanga Tayta Dios niran: «Ricaynillantaga tamäñullantaga ama cäsupaychu. Nogaga payta manami munächu. Runa ricashallanga manami allichu. Runaga rican janallantami. Nogami ichanga shongunta rejsë.»