Zacarías 14:18 - Tayta Diosninchi Isquirbichishan

¹⁸ Egipto runacuna mana aywaptinpis Tayta Diosga castiganga waquin caj nasyun runacuna Ramäda fistata mana rurajcunatanömi.

Zacarías 14:18 ပူးပေါင်းရင်းမြစ်များ

Isaías 60:12

Gamcunata mana sirbishoj caj nasyun runacunaga illgächishami canga. Chayno caj nasyun runacunaga ushajpämi wañuchisha canga.

Isaías 66:23

Cada quillami, llullu quilla cashan junajcho, cada semäna, säbadu jamay junajchöpis llapan runacuna shamongapaj nogata rispitamashpan ñaupächo gongurpacunanpaj.» Noga Tayta Diosmi chayno në.

Levítico 23:34

«Israel-masiquicunata willapay: Ramäda fistatapis rispitamar ruranqui. Ganchis caj quillallacho chunca pichga junajnin gallayconga. Chay fistataga ruranqui ganchis junajmi.

Miqueas 5:8

Chaynöpis Jacobpita miraj quëdajcunaga intëru nasyuncunachömi aypacasha caycangapaj. Animalcunacho manchacuypaj liyun caycajnömi caycangapaj. Liyonga uyshacunata charishpan rachir-usharinmi. Cawaycajtaga manami ni jucnayllatapis cachaycunchu.

Zacarías 14:12

Jerusalén runacunawan pillyaj juc-lä nasyun runacunatami ichanga Tayta Dios gueshyawan fiyupa castigangapaj. Chay runacunapaga cawaycaptillanmi aychan ismongapaj; ñawincunapis cawaycaptillanmi chaquicäconga; galluncunapis shimin rurillanchömi ismonga.

Zacarías 14:15

Runacunaman chayaj gueshyallami charenga cawallucunata, mülacunata, camëllucunata, bürrucunata, llapan uywacunatapis contrancuna tiyaycashanchöga.

Zacarías 14:19

Chaynömi castigasha canga Egipto runacunaga. Chaynömi castiganga maygan nasyun runacunatapis Ramäda fistata rurananpaj mana aywaj cajtaga.