Zacarías 10:7 - Tayta Diosninchi Isquirbichishan

⁷ Israel runacunaga suldärunömi canga. Fiyupa cushishami carcaycangapaj runa bïnuta upur caycashannöraj. Ricashpan wamrancunapis fiyupami cushiconga. ¡Yanapashäpitami cushicur alabamanga!

Zacarías 10:7 ပူးပေါင်းရင်းမြစ်များ

Génesis 18:19

Paytaga noga acrashcä wiyacamänanpaj wamrancunata, llapan famillyancunata yachachinanpämi, alli cajllata rasun cajllata rurananpämi. Abraham chayno ruraptenga conträtu rurashäta noga cumlishämi.»

Génesis 43:34

Quiquinpa mësancho caycaj micuytapis Josëga wauguincunata yaparan. Benjamintami ichanga waquinpita mas achcata gararan. Llapan wauguincunaga Josëwan cushisha micuran upuran.

Salmos 102:28

Sirbishojcunapita mirajcunataga allichömi goyächinquipaj. Quiquiquipa ñaupayquichömi tiyachinquipaj.

Salmos 104:15

Chay micuywanmi runapaga callpan yurin. Bïnunami runataga cushicachin. Asëti achca captinmi cärancunapis llushwaypa-llushwan.

Salmos 13:5

Cuyacoj captiquimi gamman yäracamö. Shongöpis fiyupami cushicun salbamashayquipitaga.

Salmos 28:7

Tayta Diosmi fiyupa munayniyoj chapämäga. Paymanmi llapan shongöpa yäracö. Paymi yanapäman. Chaypitami fiyupa cushisha goyä. Chaymi Tayta Diosta agradësicur alabashaj.

Salmos 33:21

Llapan shongunchïpa juchaynaj Tayta Diosmanmi yäracunchi. Chaymi shongunchïpis cushicun.

Salmos 90:16

Camacaycachiy ari Tayta Dios sirbishojcunapis wamrancunapis rurashayquicunata y alli cashayquita ricananpaj.

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Isaías 38:19

Cawajcunami ichanga alabashunqui canan noga alabaycashäno. Papänincunanami wamrancunata willapan nishayquita cumlej cashayquita.

Isaías 54:13

Nogami yachachishaj llapan wamrayquicunata. Paycunaga llapanpis allimi goyangapaj.

Isaías 66:14

Chayno caycajta ricashpayquega fiyupami cushicunquipaj. Tamya wichan jacha chillguejnörämi cuerpuyquicunapis ricaconga. Tayta Diosmi munayninta musyachenga payta sirbejcunataga. Paypa contran cajcunatanami rabyaycashanta musyachenga.

Jeremías 32:39

Paycunataga yarpayninchömi shacyächishaj cawashancamaga nogallatana rispitamänanpaj, chaynöpana quiquincunapis, wamrancunapis alli cawananpaj.

Ezequiel 37:25

Unay awiluncuna tiyashanchömi tiyanga. Chayga caycan sirbimaj Jacobta goycushä nasyunmi. Chaychömi tiyanga paycuna, wamrancuna, paycunapita mirar aywajcunapis. Sirbimajnë Davidllanami imaypis mandajnin caycanga.

Joel 2:23

Sioncho tiyajcuna, gamcunaga cushicuy-llapa. Noga rurashäpita cushicuy. Nogami tamyatapis tamyachipämushcä timpuncho. Tamyachimushcä murupacuy wichanpis, micuy waytanan wichanpis. Unay watacuna tamyachimushänömi tamyachimushcä.

Habacuc 3:18

jinallami nogaga Tayta Diosta alabaycäshaj. Imapitapis salbamashanpitami cushicushpä Diosnëtaga alabashaj.

Sofonías 3:14

¡Cantay Sión siudächo tiyajcuna! ¡Cushicuypita cantay Israelcuna! ¡Llapan shonguyquipa cushicuy Jerusalén runacuna!

Zacarías 12:8

«Chay junäga noga Tayta Diosmi imapitapis chapäshaj Jerusalencho tiyajcunata. Chaycho tiyajcuna pishi callpa cajmi cangapaj ray David cashanno fiyupa sinchi. Davidpita mirar aywaj mandaycajcunanami canga Diosno, guërraman aywaycaj runacunapa ñaupanta aywaj anjilnëno.

Zacarías 9:15

Acrashan runacunataga munayniyoj Tayta Dios chapangami. Chaura paycunami lluchcargärengapaj contrancuna waracashan rumicunatapis. Binsiycur paycunaga bïnuta upyajnömi cushiconga. Altarman wiñananpaj tasunman yawarta juntachishannörämi cöpancunamanpis bïnuta wiñanga.

Zacarías 9:17

¡Chaura ima alli, ima cuyayllapäraj canga chay nasyonga! Rïgupis, bïnupis aypalla captinmi ollgupis warmipis wamracuna cuyayllapaj alli wiñanga.

Lucas 1:47

Fiyupami cushicö salbamaj Tayta Dios acramashanpita.

Juan 16:22

Chaynömi gamcunapis cananga llaquicuycanqui. Yapay tincuptinchïmi ichanga fiyupa cushicunquipaj. Chay cushicuypitaga mananami pipis llaquicuyman churashunquipänachu.

Hechos 13:33

Noganchi Israel casta captinchïmi aunishanno Jesusta cawarachiran. Ishcay caj salmuchöpis Jesuspäga niycan: « ‹Gamga wamrämi canqui. Canan junajpitaga taytayquinami cä.›

Hechos 2:26

Chaymi, fiyupa cushisha caycä. Tayta gam yanapämaptiqui allimi goyäshaj.

Hechos 2:39

Espíritu Santutaga cachamonga gamcunaman, wamrayquicunaman, juc-lä runacunamanpis. Acrashancunamanga pï-maymanpis cachamunanpämi Tayta Dios aunisha.»

Filipenses 4:4

Jesucristupa maquincho cawaycarga cushicuy-llapa. Yapaypis nëmi «cushicuy-llapa».

1 Pedro 1:8

Gamcunaga Jesucristuta mana ricasha caycarpis cuyaycanquimi. Canan mana ricarpis payllaman yäracurmi cawaycanqui. Chayno cushisha cawashayquega tantiyaytapis mana atipaypämi.

1 Samuel 2:1

Tayta Diosta alabar Ana niran: «Tayta Dios, yanapämashayquipita llapan shongöpami cushicö. Gammi shacyächimanqui. Llapanchöpis yanapämaptiquimi jamurpämajcunapis mana asipämanganachu. ¡Cushishami caycä!