Zacarías 10:10 - Tayta Diosninchi Isquirbichishan

¹⁰ Cutichimushämi Egipto nasyunpita. Shuntamushämi Asiria nasyunpitapis. Nircorga pushashaj Galaadcamami, Libanucamami. Paycunaga fiyupa aypallami cangapaj. Chaymi chaychöpis tiyananpaj pishengaraj.

Zacarías 10:10 ပူးပေါင်းရင်းမြစ်များ

Isaías 60:22

Chay ichiclla caycajmi waranganpa mirangapaj. Wallcalla caycajmi munayniyoj nasyun canga. Nogami Tayta Dios cä. Nogami camacächishaj manapis aycällatana chayno cananpaj. Nishä diyapäga chaynönami canga.»

Jeremías 22:6

Judá runacunapa raynin jamarashan palasyupaj Tayta Diosga nin: «Nogapäga cay palasyu caycan cuyayllapaj aypalla muntiyoj Galaad jircanömi, aypalla sedruyoj Líbano puntanömi. Chaypis chunyajmanmi ticrarachishaj. Runapis manami tiyanganachu.

Jeremías 50:19

Chayno ruraptë Israelcunaga quiquinpa nasyunninmanmi cuticongapaj. Uyshapaj guewa caycajnöpis paycunapaga aypallami chacrancuna caycanga: Carmelo puntapis, Basanpis, Efraín aypalla puntayoj jircapis, Galaadpis.

Oseas 11:10

«Gamcunaga nogatami wiyacamanquipaj. Noganami liyun gaparajno parlamushaj. Liyun gaparajno parlaptëmi nogapa cajcunaga inti yaganan caj-läpita sicsicyaycar shamongapaj.

Oseas 11:11

Äbicunanömi Egiptupitapis cutimonga. Palumacunanömi Asiriapitapis cutimonga. Chaura camacächishäpaj wasincunacho yapay tiyananpaj.» Tayta Diosmi chayno nisha.

Abdías 1:20

Röpanpa juc-läman prësu aywaj Israelcunaga shuntanga Canaán partita Sarepta siudäcama. Jerusalenpita Sefaradman prësu aywajcunapis shuntanga Neguevcho caycaj siudäcunata.

Miqueas 7:14

«Tayta Dios, sirbishojcunataga ricaycuy ari. Nogacunaga caycä gampa uyshayquinömi. Quiquilläcuna shatachömi carcaycä. Micuy fiyupa wayunan allpami intëröpa tumaparaycäman. Unay pushamushayquino, yapay pushamay ari. Pushamay Basancho Galaadcho caycaj alli guewacunaman.

Zacarías 8:7

«Noga, munayniyoj Tayta Diosmi cayno në: Nogami acrashä runacunata salbashaj inti yagamunan caj-lä nasyun runacunapa munayninpita, inti yaganan caj-lä nasyun runacunapa munayninpitapis.

Zacarías 8:8

Nircur Jerusalenman pushamushäpaj chaycho tiyananpaj. Chauraga paycunami cangapaj acrashä runacuna, Noganami cashäpaj llapan aunishäta cumlej Diosnin, rasun cajta ruraj Diosnin.