Zacarías 1:21 - Tayta Diosninchi Isquirbichishan

²¹ Chaura noga tapurä: «¿Imamantaj shamusha cay jirrërucunaga?» nir. Chaura pay nimaran: «Wagracunaga caycan Judá nasyun runacunata wacpa-caypa machicächej munayniyoj nasyun runacunami. Cay jirrërucunami shamusha chay munayniyoj nasyun runacunata fiyupa mancharachinanpaj, Judá nasyun runacunata wagraycällar wacpa-caypa machip-machishpan wagranta tacar tunirachinanpaj.»

Zacarías 1:21 ပူးပေါင်းရင်းမြစ်များ

Salmos 75:10

Tayta Diosmi illgächenga fiyucuna alli-tucuycajta. Alli runatami ichanga mas munayniyojyächenga.

Salmos 83:2

Chiquishojcunata masqui ricay: imanöshi gayapaycäshunqui. Contrayquicunata masqui ricay: gaparpashpan imanöshi washayquita rimarcaycan.

Lamentaciones 2:17

Tayta Diosga yarpashancunata llapantami camacächisha. Imano canayquipäpis nishantaga cumlishami. Mana cuyapaypami illgächishurayqui ñaupatana yarpashanno. Chiquishojcuna asipäshunayquipämi camacächisha. Contrayquicuna fiyupa munayniyoj cananpämi camacächisha.

Daniel 12:7

Chayno niptin lïnu röpasha caycaj runaga ishcan maquinta janajpa jogarcur Cawaj Diospa jutincho jurashpan niran: ‹Imaypis quimsa timputa usharcur pullannin shamojchörämi, Dios acrashan caj runacunata ñacachiyta usharcuptinrämi chayga canga. Chayrämi llapanpis ushacanga.›

Zacarías 1:19

Chaura nogawan parlaycaj anjilta cayno tapurä: «¿Imapätaj tagay wagracunaga?» nir. Chaura chay anjilnami nimaran: «Cay wagracunaga caycan Judá runacunata, Israel runacunata, Jerusalén runacunatapis mashtaypa mashtar gargoj munayniyoj nasyuncunami.»