Zacarías 1:16 - Tayta Diosninchi Isquirbichishan

¹⁶ Chaypitami noga Tayta Diosga në: Cananga cuyapäshänami Jerusalenta. Templutapis siudätapis yapay jatarachinanpänami camacächishaj› nir.»

Zacarías 1:16 ပူးပေါင်းရင်းမြစ်များ

Job 38:5

Gam ¿musyanquichu ima tamäñu cay pacha cananpaj pï nishantapis? ¿Musyanquichu pï curdilta chutashantapis?

Isaías 12:1

Chay wichanga ninquipaj: «Gamta agradësicömi Tayta Dios. Nogapaj fiyupa rabyashami caycarayqui. Cananga rabyashayquipita allchacashcanquinami. Allinami goyaycächimanqui.

Isaías 34:11

Chaychöga tiyangapaj pillyaj jutiyoj äbicunawan chushyajcunallami. Gueshwancunatapis rurangapaj quillicsawan tucumi. Chay nasyuntaga yarpashannömi Tayta Dios ticrachengapaj chunyajman. Imapis manami canganachu.

Jeremías 30:18

Tayta Dios nin: «Jacobpita mirajcunata nogami cutichimushaj. Paycuna tiyashan nasyunninta cuyapäshämi. Juchusha caycaj janancunachömi siudänincunatapis yapay ruranga. Palasyuncunatapis maychöpis cashanchömi yapay jatarachenga.

Ezequiel 40:3

Chayman Tayta Dios pushamaran. Chaychöna ricarä runsipita-niraj caycaj runata. Puncucho ichiraycaran. Aptaraycaran tuputa y lïnu curdilta.

Ezequiel 47:3

Chaypita runaga curdilta aptacurcur aywaran inti yagamunan caj-läman. Pichga pachac (500) metruta tupuran. Nircorga yacupa jucaj chimpanman chimpachimaran. Yacuga cachi-putöcama chayaran.

Ezequiel 48:35

Curalaraycaj perga intëru tumarejpa larguynin canga isgun waranga (9,000) metru. Chay junajpitaga chay siudäta ‹Tayta Dios tiyanan› nenganami.»

Hageo 1:14

Chayno nishpanmi Tayta Diosga shacyächiran Judäpa gobernadornin Zorobabelta, cüracunapa mandajnin Josuëta, waquin runacunatapis. Chaypitaga ray Darío ishcay wata sojta quillanna mandaycaptin ishcay chunca chuscu (24) junajnincho gallaycäriran munayniyoj Tayta Diospa Templunta yapay jatarachiyta.

Zacarías 10:6

«Nogami callpayojyächishaj Judäpita mirar aywaj runacunataga. Josëpita mirar aywajcunatapis salbashaj. Yapaymi cutichimur nasyunninman pushamushaj. Chaynöga rurashaj paycunata cuyapashpämi. Chaura paycunaga cangapaj noga imaypis mana cachaycushänömi. Nogami caycä mañacamashanta wiyaj Tayta Diosnin.

Zacarías 2:4

Taripaptin niran: «Cörriyllapa ayway tagay mösuta cayno ninayquipaj: ‹Jerusalenchöga aypalla runacunanami tiyanga. Uywacunapis aypallami cangapaj. Chaymi manana canganachu siudäpa curralnin pergapis› nir.

Zacarías 2:5

Tayta Diosmi nin: ‹Jerusalenpaga nogami cashaj intëru cantunpa nina ratataycaj curralninno. Paycunacho cashpänami musyachishaj munayniyoj cashäta› nir.»

Zacarías 2:6

Tayta Diosga acrashan runacunata nin: «Nogami camacächirä gamcuna wacpa-caypa intëruman mashtacänayquipäpis. Cananmi ichanga në: ¡Juclla gueshpir aywacuy norte caj-lä nasyunpitaga!

Zacarías 4:9

«Zorobabelmi gallaycusha cay Templuta jatarachiyta. Quiquinmi ushajpaj aruchiytapis ushachenga.» Chayno päsaptin gamcunaga musyanquipaj munayniyoj Tayta Dios nogata cachamashanta.

Zacarías 8:3

«Noga, Tayta Diosmi cayno në: Nogaga Sión lömacho caycaj Jerusalenmannami cutimushaj chaycho tiyanäpaj. Chaura Jerusalentaga runacuna nengapaj ‹Diosnin nishanta Cumlej› nir. Noga munayniyoj acrashä Sión lömapänami runacuna nengapaj ‹Rispitädu Löma› nir.