Sofonías 2:9 - Tayta Diosninchi Isquirbichishan

⁹ Chaypitami nogaga quiquëpa jutëcho jurashpä në: Moabtaga päsangapaj Sodomata päsashannömi. Amontapis päsangapaj Gomorrata päsashannömi. Chay siudäcunaga shata cashacunallami, cachi rumicunaman ticrashami cangapaj. Chay siudäcunaga ticrangapaj chunyajmanmi. Chaura cawaycar quëdaj acrashä runacunami ima-aycantapis shuntaconga. Chay runacunapa chacrancunamanpis paycunanami tiyacaycärengapaj.»

Sofonías 2:9 ပူးပေါင်းရင်းမြစ်များ

Isaías 11:14

Ishcan nasyunnami aywanga inti yaganan caj-lächo caycaj Filistea nasyunman. Paycunata magananpaj yagaparconga. Inti yagamunan caj-lächo tiyajcunapatapis ishcanmi ima-aycantapis guechumonga. Chaynöpami paycunapa maquinchöna canga Edom runacunapis, Moab runacunapis, Amón runacunapis.

Isaías 25:10

Sión lömataga Tayta Diosmi imapitapis chapanga. Moabtami ichanga lluchcar-ushanga. Ganrata lluchcashannömi lluchcarenga.

Isaías 49:18

Masqui sumaj intërupa ricachacuy. Ricay, imanöshi Israelcunaga shuntacarcaycan. Nircorga gammanna cuticaycämun. Noga Tayta Diosmi jurar cayno në: Paycunaga llapanpis cangapaj cuestaj aläjacunata churacushayquinömi, casarananpaj jipash cuyayllapaj adurnucunata jaticushannömi.

Jeremías 46:18

«Nogaga munayniyoj Raymi cä. Jutëcho jurarmi në: Puntacunapa chaupincho Tabor punta ichiraycajno, lamarpita ichiraycaj Carmelo puntanömi Egipto runacunapa contran shamunanpaj caycäga caycan.

Jeremías 48:1

Israelcunapa munayniyoj Tayta Diosninmi Moab nasyun imano cananpäpis cayno nin: «¡Ay imanöraj canqui Nebo siudä! Pasaypa ushacashami canquipaj. Quiriataim siudächo tiyajcunataga llapantami prësu charenga. Chaymi fiyupa pengaypaj canga. Curalasha caycaj pacacunantapis ushajpämi juchurachenga.

Jeremías 49:1

Amón nasyun runacunapaj Tayta Dios caynömi niran: «Amón runacunaga Gad trïbupa siudänincunachömi tiyarcaycan. Milcom diosta adurajcunapis Gad trïbu runacuna tiyashantami duyñu-tucurcusha. ¿Maytaj Israelpita mirajcunaga? ¿Manachu pïninpis can imanwanpis quëdananpaj?

Jeremías 49:18

Sodomatawan Gomorrata y läduncho caj siudäcunatapis päsashannömi päsanga. Chaura chaychöga manami pipis tiyanganachu; ni pachacuyllapis pachaconganachu. Noga Tayta Diosmi chayno në.

Jeremías 49:33

Hazorchöga imaypis manami pipis tiyangachu. Chunyajmi, jirca allgucuna tiyanallannami cangapaj. Chaychöga manami pipis tiyangapänachu. Ni caminanticunapis manami pachacongapänachu.»

Jeremías 50:40

Illgächiptë imanömi ricacuran Sodomapis Gomorrapis y läduncho caycaj siudäcunapis chaynömi ricaconga. Chaymi Babilonia nasyuncho yapayga manana pipis tiyangapänachu; ni pachacuyllapis manami pachaconganachu. Noga Tayta Diosmi chayno në.

Amós 1:13

Tayta Diosga caynömi nin: «Amón nasyuncho tiyajcunaga aypallatanami mana allita rurasha. Paycunaga nasyunninta jatunyächiyta munaywanmi Galaad warmicunatapis gueshyaj caycajta pachancunata gashargäriran. Chaypitami castigänillataga mana cachaycushächu.

Amós 2:1

Tayta Diosga caynömi nin: «Moab nasyuncho tiyajcunaga aypallatanami mana allita rurasha. Paycunaga uchpayänanyajmi rupachiran Edompa rayninpa tulluncunata. Chaypitami castigänillataga mana cachaycushächu.

Sofonías 2:14

Chaura chay partiga uywacuna tiyanallannami cangapaj. Tucuy casta chucaru animalcunapa tiyanallannami cangapaj. Garsami, tucumi siudä juchushan tushacunachöpis puñongapaj. Tucucunapis waganga ragäpa bentänancunacho. Cuervocunapis numralcunacho gaparpanga.

Sofonías 2:7

Cawaycar quëdaj caj Judá runacunaga Filisteamanmi tiyacaycärengapaj. Chaymanmi uyshancunata gatengapaj michinanpaj. Chacaypanami Ascalón siudächo caycaj wasicunacho puñonga. Chaynöga cangapaj Tayta Diosnin paycunata yapay alli goyänanpäna yanapaptinmi.

Sofonías 3:13

Cawaycar quëdaj Israel runacunaga allillatanami ruranga. Mananami llullacongapänachu. Manami pipa washantapis rimangapänachu. Cushishanami goyangapis. Mananami pipis manchachenganachu.»

Zacarías 2:13

Tayta Diospa ñaupanchöga pï-may runacunapis upällalla cacuchun. Noganchïman payga shamun fiyupa rispitäducho tiyaycashan janaj pachapitami.

Números 14:21

Rasunpami nogaga imaycamapis cawä. Intëru mundupis maquillächömi caycan.

Romanos 14:11

Palabranchöpis caynömi Tayta Diosninchi niycan: «Nogaga jutëchömi jurä. Nogata rispitamashpan llapanmi gongurpacamongapaj. ‹Gamga llapanpaj munayniyojmi canqui tayta› nimangapaj.»

Deuteronomio 29:22

Chayno castigashushpayquega tiyashayqui nasyuntapis disigrasyacunawan gueshyacunawanmi Tayta Dios castigangapaj. Nasyuntapis chayno castigashanta guepa yurej Israel runacunawan caru nasyunpita shamoj jäpa runacunapis ricangami.

Deuteronomio 29:23

Chaura fiyupa manchacashpan nenga: ‹Chay chacracunachöga cachiwan asufrimi mashtaraycan. Chaychöga manami imapis wayongachu ni guewallapis. Sodomata, Gomorrata, Admata, Zeboimta Tayta Dios castigar illgächiptin imapis mana quëdashannömi imapis mana canchu› nir.