Sofonías 2:6 - Tayta Diosninchi Isquirbichishan

⁶ Lamar cantuncho caycaj nasyonga ticranga uywa tiyanan jircamanmi. Chaymanmi achcaj uyshërucunapis shuntacanga. Uywancunapaj curralcunatapis chaychömi ruracarcärengapaj.

Sofonías 2:6 ပူးပေါင်းရင်းမြစ်များ

Isaías 17:2

Aroer particho caycaj siudäcunataga para-simrinami cachaycärenga. Chaura guewa juntashallanami canga. Chaychöga uywacuna cushishami micongapaj.

Isaías 5:17

Llapan siudäcunami juchusha quëdanga. Chay siudäcuna cashanchönami uyshacunata cabracunata michiconga.

Isaías 7:25

Mas unaycuna asarun lampawan arushan alli chacracunamanpis mananami pipis aywangapänachu shata casha juntasha captin. Chaycunaga caycangapaj wäcacuna, uyshacuna guewata micunanpaj caj jircacunallanami.

Jeremías 33:12

Munayniyoj Tayta Diosmi nin: «Canan cay nasyuncho, siudänincunacho runapis, uywapis mana cashancho yapaymi cangapaj guewayoj jircacuna uywayojcuna chayman uywancunata gatinanpaj.

Ezequiel 25:5

Rabá siudätami ticrachishaj camëllucuna tiyanan jircaman, Amón nasyuntana uyshacuna tiyanan jircaman. Chayrämi gamcuna musyanquipaj noga Tayta Dios cashäta.