Sofonías 1:7 - Tayta Diosninchi Isquirbichishan

⁷ Tayta Dios caynömi nin: «Upällalla cay-llapa. Jusganäpaj caj junäga chayaycämunnami. Chay junajpäga llapanpis camarishallanami caycan. Gayachishäcunapis chayamushanami.

Sofonías 1:7 ပူးပေါင်းရင်းမြစ်များ

Job 24:1

«Munayniyoj Tayta Diosga ¿imanirtaj mana willacunchu fiyu runacunata imay jusgananpaj cashantapis? Diospa amïgun cajcunaga ¿imanirtaj mana musyanchu imay jusgananpaj cashantapis?

Salmos 46:10

Caynömi niran: «Diosniqui cashäta tantiyacuy. Maquëchöna caway. Nogami intëru nasyuntapis maquëcho caycächë. Nogami cay mundutapis chararaycä.»

Isaías 13:3

Nogata sirbimajcunata maynami gayashcä. Acrashä pillyay yachaj jinyu runacunata cachashcänami paycunawan castigachinäpaj.

Isaías 13:6

Llaquicur shanaypa shanar gaparpay-llapa. Munayniyoj Tayta Dios castigananpäga wallcanami pishiycan. Tayta Diosga llapantami usharenga.

Isaías 2:12

Chay junäga munayniyoj Tayta Dios manacajmanmi churanga alli-tucojcunata, llapan ollgojcunata, munayniyoj-tucojcunatapis.

Isaías 29:2

Ichanga nogami Ariel siudämanga ñacaycunata chayachishaj. Chayrämi canga llaquicuy, wagay. Chay siudä nogapäga cangapaj rupachicuna altarnömi.

Isaías 34:5

Rasunpami Tayta Diospa sablenga syëlucho yurenga. Chay sabliga Edom runacunamanmi yaganga. Edom runacunataga Tayta Diosmi wañunanpaj distinasha.

Isaías 34:6

Edomchömi fiyupa wañuchinacuy canga. Tayta Diosga Bosra siudächömi rupachinanpaj pishtanga. Chaymi Tayta Diospa sablenga yawarpita y wirapita ñitisha caycangapaj. Uyshacunapawan chïbucunapa yawarnin wiran ñitisha caycajnömi caycanga.

Isaías 6:5

Chaymi nogaga gapachacur nirä: «¡Ay, cananga wañushächari! Nogaga juchayoj runa caycashpämi, juchasapa runacunawan tiyaycashpämi caway-ñawëpa ricashcä munayniyoj Tayta Diosta. Rayninchi Tayta Diostami ricashcä» nir.

Jeremías 46:10

Chay junäga cangapaj noga munayniyoj Tayta Dios castiganä junajmi. Chay junajmi llapan conträcunata ayñita cutichishaj. Sablëmi tucsenga yamacashancama. Chayno tucsenga pasaypa yawar ñitinancamami. Chay junäga noga munayniyoj Tayta Diosmi norte caj-lächo caycaj nasyuncho, Éufrates mayu läduncho aypalla runata wañuchishaj.

Ezequiel 7:10

«¡Ushacänayquipaj junaj janayquichönami! ¡Chay junaj chayamushanami! Mana allita rurayllanami, alli-tucuyllanami may-chaychöpis caycan.

Ezequiel 7:7

Cay nasyuncho tiyajcuna, ushacänayquipaj caj junaj chayaycämunnami. Chay junäga janayquichönami. Llaquicuy junaj chayaycämunnami. Jircacunacho cushicur goyaypis manami canganachu.

Joel 1:15

¡Ay imanöraj canga chay junaj! Tayta Dios jusganan junäga chayaycämunnami. Chay junäga canga fiyupa manchariypämi munayniyoj Tayta Dios castigaptin.

Joel 2:11

Suldäruncunapa ñaupancho Tayta Diosga räyuno busnintami wiyacächin. Paypa suldäruncunaga fiyupa aypallami. Pay nishanta rurajcunaga yupaytapis mana atipaypämi. ¡Fiyupa manchariypämi canga Tayta Dios jusganan junäga! ¿Piräshi chaytaga awantaycunman?

Joel 2:31

Intimi chacaj ricacongapaj. Quillanami yawarmanno ticracurengapaj. Llapan chaycunaga canga Tayta Dios jusganan junaj manaraj chayamuptinmi. Chay jusganan junäga cangapaj fiyupa manchariypaj junajmi.

Amós 6:10

Chaura juc famillyan ayata pampananpaj wasiman chayanga. Wasi ruricho caycajtana taponga: «¿Pillaga gamwan chaycho caycanrächu?» nir. Chaura ruripita nimonga «Manami pipis cashachu» nir. Mastapis ruripitaga nimonga: «Upälla. Tayta Diospa jutinta rimarpis rimaycunquimanchari. Chauraga castigarpis castigaycamashwanchari» nir.

Amós 8:3

Chay castiganä junäga achcajmi wañonga. Wañojcunataga pacayllapami juc-läman jitariycärenga. Chaymi palasyucho cushicur cantananpa ruquenga llaquicuypitana wagayman churacangapaj.» Chayno cananpämi Tayta Dios nisha.

Habacuc 2:20

Tayta Diosmi ichanga caycan santo Templuncho. ¡Paypa ñaupanmanga rispëtuwan upällalla yaycuy!»

Sofonías 1:14

Tayta Dios jusganan junaj chayamunanpäga wallcanami pishin. Chay junäga rätumi chayaraycamoj-aywan. Chay junäga canga fiyupa manchariypämi. Chaura mana manchacojnin cajpis gaparangami.

Zacarías 14:1

Jerusalén, chayamongapänami Tayta Dios castigashunayquipaj caj junaj. Chay junäga imayquitapis guechushushayquita jinan siudäniquichömi raquipänacongapaj.

Zacarías 2:13

Tayta Diospa ñaupanchöga pï-may runacunapis upällalla cacuchun. Noganchïman payga shamun fiyupa rispitäducho tiyaycashan janaj pachapitami.

Malaquías 4:1

Munayniyoj Tayta Diosmi nin: «Wallcanami pishin jurnucho nina rataycajno chayamunanpaj caj junaj. Chay junäga llapan alli-tucojcuna, fiyu runacuna rupangapaj ninacho ogsha rupaycajnörämi. Chay junaj chayamur rupaptin manami ni imallanpis quëdangapächu.

Mateo 22:4

Chauraga yapayshi waquin uywaynincunata cachasha. Uywaycunaga cayno nisha: ‹Casaray fistaman shamuyna-llapa. Micuy camarishanami caycan. Wäcacuna wera besëracunapis pishtashanami caycan. Llapanpis listunami.›

Romanos 3:19

Tayta Diosninchïpa palabrancho chayno niptinmi musyanchi Israelcunapis juchayoj cashanta. Chaymi llapan runacunata Tayta Diosninchi jusgaptin imano chapacuytapis mana puydengapächu.

Romanos 9:20

Gamga ¿pitaj canqui Tayta Diosninchi imata rurashantapis o mana rurashantapis ninayquipaj? Allpa mancapis rurajninta manami ninmanchu: «¿Imanirtaj chaynöga ruramarayqui?» nir.

Filipenses 4:5

Cuyapäcoj, yanapäcoj cashayquita pï-maypis musyachun ari. Taytanchi Jesucristoga cutimongapänami.

Colosenses 1:12

Chaynöpami cushicushpayqui Tayta Diosninchïta agradësicunquipaj. Paymi salbasha-cashunqui acrashan cajcunawan iwal achicyaycaj syëlucho cawanayquipaj.

1 Samuel 16:5

Niptin Samuelga niran: «Au, allipämi shamushcä. Tayta Diospaj uywata pishtajmi shamushcä. Gamcunapis limyuyay. Nircur yan'gämay uywata pishtarcur rupachishächo.» Chaypita Samuelga Isaïtapis wamrancunatawan «mayllacuy» niran. Nircur Tayta Diospaj uywata pishtashanman gayachiran.

1 Samuel 20:26

Chay junäga Saúl mana rimacuranchu Davidpaj «Ganrami caycanga. Manarämi limyuyangarächu» nir yarpar.