Santiago 5:13 - Tayta Diosninchi Isquirbichishan

¹³ Maygayquipis ñacayman chayarga Tayta Diosninchïta mañacuy. Maygayquipis cushisha caycarga gampis Tayta Diosninchïta agradësicur alabay.

Santiago 5:13 ပူးပေါင်းရင်းမြစ်များ

1 Crónicas 16:9

Alabansacunawan payta alabay. Almiraypajcunata rurashanta willacuy.

Job 33:26

Chauraga mañacuptin Tayta Diospis yanapangami. Cushicushpanmi Dioswan ricanaconga. Diosga runata alli cashanmanmi cutichenga.

Salmos 105:2

Alabansacunawan payta alabay. Almiraypajcunata rurashanta willacuy.

Salmos 118:5

Llaquicuycashä örami Tayta Diosta mañacurä. Paynami wiyamashpan ñacaycho caycajta jorgamaran.

Salmos 18:6

Fiyupa llaquicurmi Tayta Diosta mañacurä. Mañacurä yanapämänanpaj. Payga wiyamaran Templunpita. ¡Gaparayparaj mañacushäta wiyaran!

Salmos 50:15

Ñacaycho caycashayqui öraga mañacamay. Nogami jorgushayquipaj. Gamnami agradësicamashpayqui alabamanquipaj.»

Salmos 91:15

Gayacamaptenga yanapäshämi. Sasa goyaycunachöpis quiquëmi paywan caycäshaj. Llaquicuycunapitapis jorgushämi. Nircurnami rispitädu cananpaj churashaj.

Salmos 95:2

Tayta Diosta agradësicoj aywashun. Payta alabansacunawan alabashun.

Isaías 65:14

Sirbimajcunaga llapan shongunpa cushicurmi cantangapaj. Gamcunami ichanga fiyupa llaquicur ñacar waganquipaj.

Daniel 5:4

Llapan machasha cashpannaga goripita, guellaypita, runsipita, fyërrupita, guerupita, rumipita rurasha diosnincunata alabarcaycaran.

Oseas 6:1

Llapanchi shuntacäshun. Nircur Tayta Diosninchïmanna cutishun. Paymi rachir-usharamaranchi. Chaymannömi allchacächimäshunpis. Yawar-yawar ruramashcanchi. Chaymannömi jampimäshunpis.

Jonás 2:2

Mañacur cayno niran: «Fiyupa llaquisha caycashpämi gamman mañacamurä, Tayta Dios. Gamnami yanapämarayqui. Wañushanöna caycashpämi gamman mañacamurä. Gamnami wiyamarayqui.

Jonás 2:7

Wañunäpaj caycashächönami gampaj yarpärirä Tayta Dios. Chayno mañacamushätami gamga wiyarayqui. Chaynömi rispitädu Templuyquichöpis wiyamurayqui.

Miqueas 4:5

Waquin nasyun runacunaga diosnincunatami aduran. Noganchïmi ichanga imaypis Tayta Diosninchi nimashallanchïta wiyacushun.

Mateo 26:30

Micuyta usharerga Tayta Diosta alabashpan llapan cantaran. Nircur Olivos lömaman aywacuran.

Lucas 22:44

Fiyupa llaquicushpan llapan shongunpa mastaraj Tayta Diosta mañacuran. Südayninpis yawarnöraj pampaman juturan.]

Lucas 23:42

Nircur Jesustana niran: «Tayta, gam mandayta gallaycur nogata yarpäramanqui ari.»

1 Corintios 14:15

Chauraga ¿imataraj ruräman? Almäpäga mana tantiyashä rimaychöpis mañacushämi alabashämi. Waquinta yanapänäpämi ichanga tantiyashä rimaycho mañacushaj y alabashaj.

1 Corintios 14:26

Chayno captenga ermänucuna, shuntacashayquicho waquinniqui salmucunata cantanqui; waquinniquina Jesucristupita yachachinqui; waquinniquega Tayta Diosninchi tantiyachishushayquita willacunqui; waquinniquina mana tantiyashayqui rimaycho parlanqui; waquinniquina mana tantiyashan rimaycuna ima ninan cashantapis tantiyachinqui. Llapanpis cachun ermänucunata yanapar tantiyachinanpaj Tayta Diosninchi munashanno goyänanpaj.

Efesios 5:19

Chayno cushicur shuntacashayquichöpis salmucunawan, imnucunawan, cörucunawan shacyächinacuy. Llapan shonguyquiwan Tayta Diosta alabar goyay.

Hebreos 5:7

Jesucristoga cay munducho goyaycashpan wagayparaj, gayacuyparämi ruwacuran. Wañuypita salbacoj Tayta Diosta mañacuran «Yanapaycallämay munashayquino llapanpis camacaycunanpaj» nir. Tayta Dios nishanta ruraj captinmi mañacushanta wiyaran.

Santiago 5:10

Yarpay Tayta Diosninchïpa profëtancuna imano goyashantapis. Paycunaga ima ñacaycho carpis mana yamacaypami Tayta Dios munashanno goyaran. Chaynölla gamcunapis ima ñacaycho carpis mana yamacaypa Tayta Dios munashanno goyay-llapa.

Apocalipsis 14:3

Pachac chuscu chunca chuscu waranga (144,000) runacunaga Tayta Diospa sillunninpa ñaupancho, chuscu anjil-nirajcunapa ñaupancho, ishcay chunca chuscu mayur runacunapa ñaupancho cantarcaycaran mushoj alabansata. Chay alabansataga pipis manami yachacuyta puydiranchu. Pachac chuscu chunca chuscu waranga (144,000) salbasha cajcunallami chay alabansataga cantayta yacharan.

Apocalipsis 7:10

Paycunami sinchipa niran: «¡Sillunniquicho jamaraycaj Tayta Dios, gammi acrashayqui Cashni uyshawan nogacunata salbamashcanqui!»