Santiago 3:2 - Tayta Diosninchi Isquirbichishan

² Pipis shiminta chapacuyta puyderga jucha ruraycunatapis ichipanmanmi. Ichanga manami pipis canchu allillata parläga. Llapanchïmi imanöllapapis llutanta parlanchi.

Santiago 3:2 ပူးပေါင်းရင်းမြစ်များ

1 Reyes 8:46

«Cay pachachöga pipis manami canchu juchata mana ruräga. Juchata ruraptenga rabyacurcur chiquinacushanpa munayninmanchari cachaycunqui chay runacunana nasyunninman apacunanpaj.

2 Crónicas 6:36

«Cay pachachöga pipis manami canchu juchata mana ruräga. Juchata ruraptin, rabyacurcur chiquinacushanpa munayninmanchari cachaycunqui. Chay runacunana nasyunninman apaconga caruman sercaman carpis.

Job 15:13

¿Imanirtaj Tayta Diospaj rabyaycanqui? ¿Imanirtaj shimiqui tarishanta rimanqui?

Salmos 34:13

Chauraga llutancunata ama rimaynachu, ama llullacuynachu.

Salmos 39:1

Nogaga yarparä fiyu runacunapa ñaupancho cashä öra allilla goyaytami, upällalla cacuytami, mana quijacuytami.

Proverbios 10:19

Achcata rimajcunaga llutantapis rimanmi. Yachajcunami ichanga alli cajcunallata rimarcur upällacun.

Proverbios 13:3

Shongun musyashallanwan upälla cacojcunaga allimi cawan. Willapistacunami ichanga shimillanpita mana alliman chayanga.

Proverbios 20:9

Pipis ama ninmanchu: «Nogaga allita rurallarmi cawä. Manami juchataga imaypis rurashcächu» nir.

Proverbios 21:23

Llutalla imatapis mana parlacoj runaga manami ima llaquicuymanpis chayangachu.

Eclesiastés 7:20

Imano captinpis cay pachachöga manami pipis canchu allillata ruraj, juchata mana imaypis ruräga.

Isaías 64:6

Nogacunaga llapäpis caycä ganra runanömi. Allita rurashäcunapis ganra räpunömi caycan. Llapanëpis caycä garwashtar öja yagashanömi. Juchäcunami wayra apajnöpis mana alliman chayaycächiman.

Levítico 13:39

cüra ricanga ima cashantapis musyananpaj. Ricaptin ogui-ogui captenga lluta yurej canchallami canga. Chayno captenga chay runa limyumi canga.

Mateo 12:34

¡Culebra casta runacuna! Yarpayniqui mana alli caycaptenga ¿allita parlanquimanchuraj? Runaga shongun yarpashantami parlan.

Mateo 12:37

Allita parlajtaga manami castigangachu. Mana allita parlajmi ichanga castigasha cangapaj.»

Romanos 3:10

Chaymi Tayta Diosninchïpa palabranchöpis cayno niycan: «Pipis allitaga manami rurannachu.

Romanos 7:21

Chaymi allita rurayta munarpis tantiyacö mana alli ruraycunalla tumapaycämashanta.

1 Corintios 9:27

Chaynöpami fïsicata sumaj rurajnöpis cuerpöta duminanäpaj sumaj yachacächë Tayta Dios munashanno cawanäpaj. Manchäga waquinta sumaj yacharcachirpis quiquëga Tayta Diospa ñaupanman manami chayashächu.

Gálatas 3:22

Tayta Diospa palabranga tantiyachimanchi juchallanchïcho cawar maldisyunädu cashanchïtami. Chaynöpami Tayta Diosninchi salbamänanchïpäga Jesucristumanraj yäracunanchi.

Gálatas 5:17

Jucha rurayta yarpashayquicunaga Espíritu Santupa contranmi. Jucha ruraypaj yarpaycunapa contranmi Espíritu Santupis. Ishcanpis manami tincunchu. Chaymi jucha rurayta yarpashayquicunata mana camäpacunquichu.

Colosenses 1:28

Nogacunaga Jesucristupita willacurmi llapan runacunata sumaj tantiyachir willapaycä. Sumaj yachaycächë Jesucristuta chasquicojcuna Tayta Dios munashanno cawananpaj.

Colosenses 4:12

Marca-masiqui Epafraspis salüdunta apachicamushunquimi. Payga Tayta Jesucristuta allimi sirbin. Paymi gamcunapaj Diosninchïta imaypis mañacuycan Diosninchi munashanno cawanayquipaj.

Santiago 1:26

Pipis «Tayta Diosman yäracö» niycar mana upällacorga quiquillanmi engañacuycan. Chauraga yäracushanpis yangallami canga.

Santiago 1:4

Ima päsamashapis mana yamacaypa yäracorga Tayta Dios munashannömi goyäshunpaj.

Santiago 2:10

Tayta Diosninchïpa llapan mandamintuncunata cumliycashancho jucnayllatapis mana cumlerga llapanta mana cumlejnömi caycanqui.

1 Pedro 3:10

Tayta Diospa palabranchöpis niycan: «Pipis alli cawayta munarga cushisha goyayta munarga llutancunata ama rimachunchu. Ama llullacuchunchu.

1 Pedro 5:10

Noganchi-raycu Jesucristo wañusha captinmi Tayta Diosninchi cuyapäshushpayqui acrasha-cashunqui ñaupancho imaycamapis cawanayquipaj. Juc timpu ñacaycuna päsarcuptinnami alliman churashunquipaj, sumaj balurta goshunquipaj, allillata cachishunquipaj.