Santiago 3:10 - Tayta Diosninchi Isquirbichishan

¹⁰ Shimillanchïwanmi allita mana allitapis rimanchi. Ermänucuna, chaynöga ama cashunnachu.

Santiago 3:10 ပူးပေါင်းရင်းမြစ်များ

Génesis 20:9

Chaypita Abimelecga gayachiran Abrahamta. Nircur niran: «¿Imanirtaj nogacunataga chayno llullapämashcanqui? ¿Imachötaj gamtaga rabyachishcä, nogata y mandashä runacunata fiyupa jatun juchata rurachimänayquipäga? Chaynöga manami pitapis ruranchïchu.

2 Samuel 13:12

Chaura Tamarga niran: «¡Ama! ¡Ama pirdisyunta ruramaychu! Israelcunaga manami chayno ruranchïchu. ¡Ama ruraychu fiyupa juchataga!

Miqueas 3:11

Autoridäcunapis runacuna pacayllapa pägashan cajta alli arriglan. Cüracunapis guellayllapämi yachaycächin. Profëtacunapis guellayllapämi willacuycan. Chayno ruraycarpis «Tayta Diosmi yanapaycäman» nir riguichin. «Tayta Diosga noganchïwanmi caycan. Ima mana allipis manami chayamäshunchu» nin.

Romanos 12:14

Chiquishojniquipa washanta ama rimaychu. Chaypa ruquenga Tayta Diosninchïta mañacuy paycunatapis alli cawayta gonanpaj.

1 Corintios 3:3

¿Imanirtaj chayno caycanqui? Noga mayashcä gamcuna apänacur-apänacur goyaycashayquitami. Chayno goyar gamcunaga Jesucristuta mana chasquicoj runacunanöllami goyarcaycanqui.

1 Timoteo 5:13

Nircurpis wasincho ruraynincunata cachaycur wasincaylla purin runapa washanta rimar, runapa bïdanta ashir.

Santiago 1:16

Ermänucuna, llutantaga ama yarpaychu.

Santiago 1:19

Cuyashä ermänucuna sumaj yarpachacuy: Yachaj-tucur alläpa parlayga manami allichu. Waquinpis parlananpaj upälla cacunqui. Mana yarpachacuypa llutancunata parlanayquipa ruquenga sumajraj yarpachacuy imata parlanayquipäpis. Llutallapis ama rabyacuychu.

Santiago 3:1

Ermänucuna, yachachicoj car llutanta yachachiptiquimi Tayta Diosninchi jusgashunquipaj. Chayno caycaptenga shuntacashayquicho llapayquega ama yachachicojlla caychu.

Santiago 3:11

¿Juc pucyullapita yargamunmanchuraj pochgoj yacuwan mishquej yacu?

Santiago 3:9

Chay shimillanchïwanmi Tayta Diosninchïta alabanchi. Y chay shimillanchïwanmi Tayta Diosninchi-niraj caycaptin runa-masinchïtapis ashllinchi.

1 Pedro 3:9

Runa-masiqui chiquishuptiquipis gamcunaga ama chiquiychu. Ashllishuptiquipis ama ashlliychu. Chaypa ruquenga Tayta Diosninchïta mañacuy chiquishojniquitapis bindisyunta gonanpaj. Gamcunapis bindisyunta chasquinayquipämi Tayta Diosga acrasha-cashunqui.