Santiago 1:15 - Tayta Diosninchi Isquirbichishan

¹⁵ Shongunchi llutan yarpashancunata rurarga jucha ruraymanmi chayanchi. Chauraga mananami Tayta Diospa ñaupanman chayashunpänachu. Chaypa ruquenga wañuyllatanami tarishunpaj.

Santiago 1:15 ပူးပေါင်းရင်းမြစ်များ

Génesis 2:17

Ichanga ama micunquichu allita mana allita musyachicoj yörapa wayuynillanta. Chayta micushpayquega wañunquipämi».

Génesis 3:6

Chay yörapa wayuynin munapaypaj caycajta ricar warmi fiyupa munaparan. Yachaj tantiyaj cayta munashpan yörapa wayuyninta pallarcur micuran. Nircur runantapis macyaran paypis micunanpaj. Chaura runanpis micuran.

2 Samuel 11:4

Chay warmiga quilla gueshyanpita limyu cananpaj chayraj bäñacuycaran. Davidga cacharan Betsabëta pushapänanpaj. Chay warmiwan cacuran. Nircur warmiga wasinman cuticuran.

Job 15:35

Chay runacunaga juchallatami gueshyaj caycan. Pachanchöga engañacuyllami caycan. Wachangapis llullacuyllatami.»

Salmos 7:14

Masqui ricay fiyu runata: Juchallatami gueshyaj caycan. Mana allicunallatami gueshyaj caycan. Wachangapis llullacuyllatami.

Salmos 9:17

Fiyucunawan Tayta Diosta mana rispitajcunaga wañojcuna cashanmanmi chayanga.

Proverbios 11:19

Alli cajta rurar goyarga mana ushacaj cawaytami tarin. Mana allita rurajcunami ichanga quiquillan wañuyta ashiycan.

Isaías 33:11

Gamcuna rurayta yarpaycashayquiwan rurashayquipis caycan ogshanölla, rïgu päjanölla. Chayno captinmi pücarcuptillä jämaynëga nina rupacurcojnöpis usharengapaj.

Isaías 59:4

Pipis manami rasun cajtaga dimandacunnachu. Pipis manami cannachu rasun cajllawan dimanduman chayäga. Chaypa ruquenga llullacunanpaj cajllamanmi yarparaycan. Llullacuyllata rimananpämi carcaycan. Mana allitami gueshyaj carcaycan. Chayno carmi wañuchinacuyllacho carcaycan.

Mateo 26:14

Chaypitana Judas Iscariotega Jesuspa apostulnin caycarpis aywaran mandaj cüracunaman.

Mateo 5:28

«Chaypis nogaga caynömi në: Juc warmita ricashpayqui munaparga maynami majayquita jananpashanöna caycanqui.

Santiago 1:14

Chaypa ruquenga quiquinchïpa shongunchichömi yarpanchi ima jucha ruraypäpis.

Santiago 1:18

Tayta Diosga quiquin munashpanmi wamrachacamashcanchi. Alli Willacuyninta wiyacushanchïpitami mushoj cawayta tarichimashcanchi. Chaymi rimir cosëchacho raquishan micuyno cuyay caycanchi.