Salmos 96:2 - Tayta Diosninchi Isquirbichishan

² Tayta Diosta alabay. Waran-waran willacuy salbacoj cashanta.

Salmos 96:2 ပူးပေါင်းရင်းမြစ်များ

1 Crónicas 29:20

Chaypitaga llapan runacunata David niran: «Llapayqui Tayta Diosta alabay.» Chauraga unay caj awiluncunapis quiquincunapis sirbiycashan Tayta Diosta llapan alabaran. Chayno alabar llapan gongurpacuran Tayta Diosta rispitashpan, rayta rispitashpan.

Salmos 103:20

Tayta Diosta alabay-llapa munayniyoj anjilcuna. Gamcunaga Pay nishantami cumlinqui. Ruranayquipaj nishushayquitapis ruranquimi.

Salmos 145:1

Gam fiyupa munayniyoj Raynë cashayquitami willacushaj Tayta Dios. Imaycamapis alabaycäshayquimi.

Salmos 145:10

Tayta Dios, llapan rurashayquicuna alabaycushunqui. Wiyacushojcuna aduraycushunqui ari.

Salmos 145:2

Waran waranmi alabashayqui. Imaycamapis alabaycäshayquimi.

Salmos 40:10

Gam alli cashayquitaga manami upällacushcächu. Llapanta cumlej cashayquita salbacoj cashayquitaga willacushcämi. Acrashayqui runacunatami willapashcä cuyacoj cashayquita, rasun cajta rurashayquita.

Salmos 71:15

Goyay-goyay pï-maytapis willacushaj alli ruraj cashayquita, nogacunata salbamashayquita. Ichanga willapaytapis manami ushämanchu.

Isaías 40:9

Sionman alli willapata apaj, altunnin puntaman wichay. Chaypita intërupa willacushpayqui llapan callpayquipa gayaray. Jerusalenman alli willapata apaj, mana manchacuypa sinchi gayaray. Judá siudäcunacho tiyajcunata willapay «¡Diosninchëga jananchichönami!» nir.

Marcos 16:15

Cananpitaga intërupa ayway llapan runacunata alli willacuynëta willapänayquipaj.

Hechos 13:26

«Abrahampita miraj Israelcunapis Tayta Diosta sirbej mana Israelcunapis wiyaycallämay. Salbacunapaj alli willacuyga llapanchïpämi chayamusha.

Efesios 1:3

¡Tayta Diosninchïta alabashun! Paymi Taytanchi Jesucristupa taytan. Paymi Jesucristu-raycu syëlupita-pacha tucuy bindisyunta gomanchi.

Apocalipsis 5:13

Chaynöpis wiyarä syëlucho caycajcuna, cay pachacho caycajcuna, lamar rurincho caycajcuna, llapanpis Tayta Dios camashan cajcunaga alabar cayno nircaycajta: «¡Mandaj jamacunan silluncho jamaraycaj y Cashni uyshaga imaycamapis alabasha caycullächun!» nir.