Salmos 92:3 - Tayta Diosninchi Isquirbichishan

³ Sumaj allimi arpa-mallwawan, arpawan gamta alabayga.

Salmos 92:3 ပူးပေါင်းရင်းမြစ်များ

1 Crónicas 13:8

Davidpis llapan Israelcunawan aywaran Tayta Diospa babulninpa ñaupanta llapan callpanwan alabashpan, pinticachar arpacunata, arpano salteriota, panderëtacunata, latillucunata, trompëtacunata tucashpan.

1 Crónicas 15:16

Davidga waquin caj Leví famillyacunatapis niran paycuna famillyallacho Diosta alabajcunata acrananpaj, chay acrashancunalla Diospa babulninta apaptin arpano salteriocunata, arpacunata, latillucunata tucaraycar cushicur aywananpaj.

1 Crónicas 23:30

Paycunaga tutapa tardipa waran-waran rispitädu Templucho carcaycaj Tayta Diosta agradësicunanpaj y alabananpaj,

1 Crónicas 25:6

Wamrancunataga Templucho alabaptin papäninmi yachachej latillucunata, arpata, arpano salteriota imano tucananpäpis. Asaf, Jedutún, Hemán carcaycaran ray nishanta ruraj.

2 Crónicas 20:28

Jerusalenman chayaycärir Tayta Diospa Templunman aywaran arpano salteriocunata, cítaracunata, trompëtancunata tucashpan.

2 Crónicas 23:5

Yapay juc röpa cäga caycanqui raypa palasyun cajcho. Yapay juc röpa cajna ‹Simintu› nishan puncucho carcaycanqui. Runacunana llapan Templupa sawannincho carcaycanga.

2 Crónicas 29:25

Ray Ezequiasga Tayta Diospa Templunman churaran Leví runacunata latilluntawan, arpantawan, tacsha arpantawan. Churaran ray David camacächishanno, Tayta Diospa profëtan Gad y Natán nishanno. Chayno rurananpäga Tayta Diosmi profëtancunawan willacachiran.

Nehemías 12:27

Jerusalenpa curralninta aruyta ushaycärir Tayta Diospäna inaurananpaj cüracunata yanapaj Leví runacunataga maychöpis tiyashanpita ashimuran. Nircur Jerusalenman pushamuran perga ushay fistacho cushicuypita latillunpawan arpanpawan arpa-niraj salterionpawan Diosta agradësicur alabananpaj.

Salmos 149:3

Tayta Diostaga dansashpayqui alabay-llapa. Arpacunata panderëtacunata tucashpayqui imnucunata cantay-llapa.

Salmos 33:2

Arpallanpawan Tayta Diosta agradësicuy. Chunca cuerdayoj arpata tucapallapa alabay.

Salmos 42:9

Imapitapis chapämaj Tayta Diosnë, ¿imanirtaj gongaycamashcanqui? ¿Imanirtaj chiquimajcuna ñacachimaptin llaquishaga purëman?

Salmos 57:8

Ricchariy ari shongullä. Gampis arpa ricchay ari. Arpa-mallwapis ricchay ari. Intitapis ricchachishänami.

Salmos 68:25

Cantajcunami ñaupa-puntata aywarcaycan, guepantanami tucajcuna. Chaupintana aywarcaycan jipashcuna panderëtacunata tucaraycar.

Salmos 9:16

Tayta Dios gamga musyachimashcanqui allita ruraj cashayquitami. Fiyucunaga watacäcusha quiquincuna churashan togllachömi. Selah

1 Samuel 10:5

Chaypita päsar chayanquipaj Tayta Diospa siudänin Gabaaman. Chaychöga tiyarcaycan Filistea suldärucunami. Siudäman yaycuycashayquichönami tincunquipaj Tayta Diospa profëtancunawan. Ñaupantami runacuna aywaycanga arpano salteriota, tinyata, quïnata, arpata tucaraycar. Profëtacunaga aywaycanga Tayta Dios rimachishanta rimaraycar.