Salmos 9:6 - Tayta Diosninchi Isquirbichishan

⁶ Chiquimajcunaga wañushanami. Quiquinwan iwalmi illgasha siudänincunapis. Gammi illgächishcanqui. Paycunapaga manami imallanpis quëdashachu yarpänanpaj.

Salmos 9:6 ပူးပေါင်းရင်းမြစ်များ

2 Reyes 19:25

Ichanga ¿manachu musyarayqui noga Tayta Dios llapanta camacächishäta? Unaypita-pachanami chayno cananpaj camacächirä. Cananga chaytami cumlichishcä. Chaynöpami gamga curalasha siudäcunatapis illgächir ragällanta, muntuy-muntuy goturaycajta cachaycunqui.

Job 18:17

Chay runata cay pachachöga gongayconganami. Chay runapa jutintapis manami parlanganachu.

Salmos 34:16

Mana allita rurajcunapami ichanga Tayta Dios contran caycan. Paycunataga ushajpämi cay pachapita illgächenga.

Salmos 34:17

Allillata ruraj runacunataga Tayta Dios yanapanmi. Ima llaquicuycho caycashanpitapis jorgunmi.

Salmos 46:9

Payga guërratapis intëruchömi chawächisha. Paymi lëcha jitacunatapis paquirgärisha. Tucsicunantapis ichic-ichiclla paquirgärisha. Guërrapaj caycaj carrëtacunatapis rupargärachisha.

Salmos 7:5

Chayno rurasha captëga chiquimajcuna gaticachämächun. Taripaycamar garachasha apamächun. Pasaypa pengayman churamächun. Selah

Salmos 8:2

tacsha wamracunami, chuchuycaj wamracunami alabashunqui. Chayno alabashunqui contrayqui jatarejcunata, chiquishojcunata upällachinanpaj illgächinanpämi.

Éxodo 14:13

Chayno niptin Moisés niran: «¡Balurchay-llapa! ¡Ama manchacuychu! Cananmi Tayta Dios salbamashanchïta ricanquipaj. Egiptucunataga cananllanami ricanquipaj. Mananami mas imaypis ricanquipänachu.

Éxodo 15:16

Paycunaga fiyupa munayniquiwanmi mancharishpan upatasha ricaconga. Ruminöpis chiyacäconga acrashayqui runacuna päsacurinancama.

Isaías 14:17

¿Cay runachi intëru pachata chunyajta cachaycoj, siudäcunatapis illgächej, prësucunatapis mana cacharej?› nir.

Isaías 26:14

Chay mandajcunaga wañushanami. Manami cawarimongapänachu. Paycunaga llantuynöllami casha. Mananami jatarimonganapischu. Castigashpayqui maynami llapanta illgarachishcanqui. Paycunata pipis mana yarpänanpämi illgarachishcanqui.

Isaías 37:26

Gamga ¿manachu musyarayqui noga Tayta Dios chaycunata llapanta camacächishäta? Unaypitanami chayno cananpaj camacächirä. Chaymi cananga cumlishcä. Chaynöpami gamga curalasha siudäcunatapis illgächir cachaycunqui ragällanta, muntuy-muntuy goturaycajta.

Jeremías 51:25

«Babilonia, illgächicoj jircanömi caycanqui. Chaynöga caycanqui llapan runacunata chacracunata illgächishpayquimi. Cananga gampa contrayquimi caycä. Quiquiquitanami castigashayqui. Castigashpämi cuchpärimushayqui. Nircur ticrachishayqui pasaypa rupasha jircaman. Noga Tayta Diosmi chayno në.

Miqueas 7:10

Chaytaga ricangami chiquimajcunapis. Chaura paycunaga fiyupa pengay-tucushami ricaconga. Paycunaga caynömi tapumaran: ‹¿Maychötaj caycan Tayta Diosniqui?› nir. Paycunataga ricashaj nogapita mas piyur ruracasha caycajtami. Paycunaga cangapäpis cällicho caycaj mituta lluchcar-ushashanömi.

Miqueas 7:8

Israelcuna cayno nin: «Nogacunata chiquimaj nasyun runacuna, mana allicho caycajta ricamar ama cushipämaychu. Mana alliman chayasha, tunisha caycarpis jatarishämi. Intëröpami yanauyaycaj chacay caycan. Ichanga Tayta Diosmi achicyajman apamanga.

1 Corintios 15:26

Llapanta binsiycurnami wañuytapis binsenga.

Apocalipsis 20:2

Dragonta chariycurmi cadinawan anjil wataran. Chay dragonga dyablu nishan Satanasmi caran. Satanastaga waranga (1,000) watacama wataycuran.

1 Samuel 30:1

Chaypita cuticur quimsa junajta David llapan yan'guincunawan chayaran Siclag marcaman. Chayananpäga Amalec runacuna Neguevman yaycusha caran. Siclag marcatapis ushasha caran, rupachisha caran.

1 Samuel 31:7

Saulta y wamrancunata Filistea runacuna wañuchishanta y suldärucunapis gueshpir aywacushanta musyaycur Jezreel pampa chimpacho tiyaj Israel runacuna y Jordán mayu chimpacho tiyaj Israel runacunapis marcancunapita gueshpir aywacuran. Marcancunata chayno cachariycur aywacuptinmi Filistea runacunana chay marcacunacho tiyaran.