Salmos 9:5 - Tayta Diosninchi Isquirbichishan

⁵ Mana rispitashojcunataga piñacushcanquimi. Mana wiyacojcunataga illgächishcanquimi. Paycunataga para-simrina gongaycärinanpämi camacächishcanqui.

Salmos 9:5 ပူးပေါင်းရင်းမြစ်များ

2 Samuel 17:23

Ahitofelga yarpashan mana camacaptin bürrunta sillacurcur yurishan marcanman aywacuran. Incargacurir quiquin maticuriran. Chaynöpami wañuran. Papänin pampacushallanman pampaycäriran.

Salmos 149:7

Chay sabliwanmi ayñita cutichinqui Tayta Diosta mana rispitajcunataga. Juc nasyuncunatapis magar castiganqui.

Salmos 2:1

¿Imanirtaj Tayta Diosta mana rispitajcunaga contran jatarircaycan? ¿Imanirtaj manacajcunataga yarparcaycan?

Salmos 5:6

Illgächinquimi llullacunataga. Melanäcunquimi wañuchicojcunatawan mana allita rurajcunataga.

Salmos 7:12

Fiyu runacuna mana arpinticuptenga Tayta Dios sablintami afilanga, lëchantami camarenga.

Salmos 78:55

Israelcunawan tacucänanpita quiquin Tayta Diosmi garguran payta mana rispitajcunataga. Nircur chacrataga raquiparan jircanpa-jircanpa cada trïbuta shuyni-cama. Chaychönami tolducunacho tiyachiran.

Salmos 79:10

Mana yanapämaptiqui mana rispitashojcunaga «¿Maychötaj Diosniqui caycan?» nimangami. Gamta sirbishoj uywayniquicunata wañuchishanpita ayñita cutichishayquitami ricayta munä. Mana sirbishojcunapis musyachun gam castigashayquita.

Proverbios 10:7

Alli runataga alli cashanpita fiyupami yarparan. Fiyu runatami ichanga manapis aycällatana gongaycärin.

Proverbios 13:9

Alli runacunaga chacaycho achqui achicyaycajnömi cushisha goyäcun. Fiyu runacunami ichanga achqui upiptin chacajcho caycajno carcaycan.

Jeremías 49:38

Elampa mandajnincunataga nogami ushacächishaj. Nircorga quiquënami Elampa raynin cashaj. Noga Tayta Diosmi chayno në.

Lamentaciones 3:58

Tayta Dios, gammi ima mana allipitapis chapämashcanqui. Wañunäpitapis gammi salbamashcanqui.

Malaquías 4:3

Chay camariycashä junaj chayamuptin gamcunaga ñuchu allpatanörämi fiyu runacunata lluchcargärinquipaj.»

Deuteronomio 9:14

Chay runacunata cananga ushacächishaj pipis mana yarpänanpaj. Chaymi gamga ama chapämaychu. Paycunapa ruquin gamllapitami mirachishaj juc nasyunmanna aypajta. Chaura gampita mirajcunaga cangapaj paycunapita mas aypallami.›

Apocalipsis 19:15

Llapan nasyuncunata castigananpämi afilasha sabli shiminpita llojshimuran. Chaywanmi llutanta ruraj runacunata fiyupa rabyar mana cuyapaypa castiganga. Übasta gapchishannömi runacunata castiganga llapanpaj munayniyoj Tayta Diosta rabyachishanpita.

1 Samuel 25:32

Chaura David niran: «Tayta Diosga alabasha caycullächun. Paymi tincunanchïpaj cachamushurayqui.

1 Samuel 25:39

Nabal wañushanta mayar David niran: «¡Alabasha cachun Tayta Diosga. Nabal ufindimashanpita allichömi Tayta Dios castigasha! ¡Nogatapis chapämashami mana allita ruranäpita. Nabal mana allita rurashantapis quiquinmanmi ticrachisha!» Chaypitana Davidga cachacuran Abigailman «majachacäshun» nir.

1 Samuel 31:4

Chaymi pasaypa mancharir yanapajninta niran: «Sabliquita jorgurcur tucsiramay juclla. Manami munächu juchasapacuna wañuycachimar cushicunanta.» Yanapajnenga Saulta tucsiyta mana munaranchu. Fiyupa manchacuran. Chaura Saulga quiquin sablinta jawircur jananman tunipaycuran.