Salmos 8:3 - Tayta Diosninchi Isquirbichishan

³ Syëluta, goyllarta, quillata camashayquita ricashpä

Salmos 8:3 ပူးပေါင်းရင်းမြစ်များ

Génesis 1:1

Gallarinancho manaraj imapis captin Tayta Dios camaran syëlutawan cay pachata.

Job 22:12

«Syëluchöga llapanpita mas altuchömi Tayta Dios caycan. Mas janajcho caj goyllarcunapis chaquin ur'gallanchömi caycan.

Job 25:3

Paypa suldäruncunaga yupaytapis mana atipaypämi. Achicyayninpis llapanmanmi achicyan.

Job 25:5

Tayta Diospa achicyayninmanga quillapa achicyayninpis manami tincunchu. Pay limyu cashanmanga goyllar limyu cashanpis manami tincunchu.

Job 36:24

Pay camashantaga llapan runami alaban. Gampis alabaytaga ama gongaycuychu.

Salmos 104:19

Quillatami rurashcanqui cada ushaynin juc quilla cashanta musyanapaj. Intiga musyanmi imay öra yagacunantapis.

Salmos 111:2

Tayta Dios rurashancunaga fiyupa almiraypämi. Rurashancunata ricaycur almirajcunaga fiyupami cushicun.

Salmos 148:3

Alabay inti, quilla. Alabay-llapa achicyaj goyllarcuna.

Salmos 19:1

Tayta Dios munayniyoj cashanta syëlumi willamanchi. Cay pachapis «Tayta Dios ruramasha» ninmi.

Salmos 33:6

Tayta Dios niptinmi syëlupis ruracaran. Mandarcuptillanmi yuriran intipis quillapis estrëllacunapis.

Salmos 89:11

Syëlupis cay pachapis gamllapami. Gammi camashcanqui mundutapis, munducho caycajcunatapis.

Éxodo 31:18

Sinaí puntacho Moisesta chayno tantiyarcachirmi ishcay läja rumicunaman dëdunwan isquirbishan laynincunata Tayta Dios entregaran.

Éxodo 8:19

Chaura brüjucunaga faraonta niran: «Caytaga Diosmi ruraycan» nir. Chaypis faraón mas piyur-raj rumi shonguno contra ricacuran. Tayta Dios willashannömi mana cäsuranchu.

Lucas 11:20

Nogaga Tayta Diospa munayninwanmi dyablucunata gargö. Chayno ruraptëmi musyanqui maquincho cawananpaj Tayta Dios runacunata shuntaycashantana.

Romanos 1:20

Llapan camashancunata ricarmi musyanchi Tayta Diosninchi llapanpaj munayniyoj cashanta. Chaytaga unay caj runacunapis musyaranmi. Chaymi fisyu junaj chayamuptin pipis mana chapacongachu «Noga manami musyashcächu Tayta Dios llapanpaj munayniyoj cashanta» nishpan.

Deuteronomio 4:19

Intita, quillata, goyllarcunata, syëlucho waquin cajcunata ricashpayqui ama yarpachacunquichu ‹tagaycunata aduräman› nishpayqui. Janajcho caycajcunataga Tayta Dios camasha llapan runacunata achicyapänanpämi.