Salmos 72:12 - Tayta Diosninchi Isquirbichishan

¹² Payga salbangami ruwacoj caj pobricunata, mana pipis yanapänanpaj cajcunatapis.

Salmos 72:12 ပူးပေါင်းရင်းမြစ်များ

2 Samuel 14:16

Yarpashanno wamräta wañucherga Tayta Diospita chasquishä partisyunpitapis gargaraycamangachari. Chayno mana cananpämi ruwacoj shamushcä.

Job 29:12

Chaynöga parlaj wacchacunata, pobricunata, pipis mana yanapashan runacunata yanapanyaptëmi.

Job 36:15

Ñacachir-rämi Tayta Diosga runata tantiyachin. Chayno ñacachiyparämi Diosga salban.

Salmos 10:17

Tayta Dios, umildicuna mañacamushushayquitaga wiyashcanquimi. Chaymi shacyächir yanapanqui.

Salmos 102:17

Wacchacuna mañacushanta Tayta Diosga wiyanmi. Paycuna mañacushantaga manami gonganchu.

Salmos 102:20

Wañuchicänanpaj caycaj prësucuna llaquicuycajta wiyar salbaran.»

Salmos 55:17

Pagasta junajtapis wagashpä Tayta Diosta mañacushaj. Payga llapan mañacushäta wiyamangami.

Salmos 72:4

¡Rayga alli arriglachun pobricunataga! ¡Muchupacajcunapa wamrancunata salbachun! ¡Ñacachejcunata ichanga ñacachichun!

Proverbios 29:7

Alli runaga tantiyanmi pobri runacuna imano goyaycashantapis. Fiyu runatami ichanga imapis mana gocunchu imano goyashanpis.

Eclesiastés 4:1

Chaypita ricarä cay pachacho imano ñacaycächejtapis. Ricashcä ñacajcuna wagaycajta. Wagaptinpis manami pipis shoganchu. Ñacachejcunaga firsapita imatapis rurachin. Chaypis ñacajcunataga manami pipis shoganchu.

Isaías 41:17

«Imanpis mana caj pobricunaga yacuta ashirpis manami tarinchu. Yacunayllawan gallunpis chaquisha caycan. Noga Tayta Diosmi ichanga yanapäshaj. Israelcunapa Tayta Diosnenga manami cachaycushächu.

Lucas 4:18

«Tayta Dios acramasha captinmi Tayta Diospa Espiritonga nogacho caycan. Nogataga cachamasha pobricunata alli willacuyta willapänäpämi; [llaquisha caycajcunata cushicachinäpämi;] prësu caycajcunata libri cananpäna willapänäpämi; gapracunatapis allchacächinäpaj; jucpa munaynincho ñacaycajcunatapis jorgunäpaj.

Lucas 7:22

Tapuptin Jesús niran: «Cutiycur Juanta willay wiyashayquita ricashayquicunatapis. Gapracunapis ricannami. Mana purejcunapis purinnami. Leprawan gueshyajcunapis allchacashanami. Upacunapis wiyarcaycannami. Wañushacunapis cawarinnami. Pobricunapis Tayta Diospa alli willacuyninta wiyaycannami.

2 Corintios 8:9

Taytanchi Jesucristupis cuyapäcoj carmi janaj pachacho rïcu cayninta cachaycuran. Nircurmi cay pachaman shamur pobrinölla goyaran noganchïpis syëluman chayar Tayta Diospa ñaupancho rïcu cananchïpaj.

Hebreos 7:25

Chaymi payga pï-maytapis salbananpaj imaycamapis caycan. Pay nishanta wiyacushpan Tayta Diosman yäracojtaga salbangami. Jesusga imaycamapis cawaj cashpanmi Tayta Diosta ruwacun payman yäracojcunapaj.

1 Samuel 22:2

Payman guellicuran ñacajcuna, jaga cajcuna, jagayasha runacunapis. Davidnami paycunata pushararan. Chaura paytaga purëshiran chuscu pachacno (400) runacunami.