Salmos 71:5 - Tayta Diosninchi Isquirbichishan

⁵ Tayta Dios gammanmi mösu cashäpita-pachapis yäracaycämö. Gammi imapitapis chapämashcanqui.

Salmos 71:5 ပူးပေါင်းရင်းမြစ်များ

1 Reyes 18:12

Noga aywacuriptë Tayta Diospa anjilnin chayarcamur apacushunquipaj noga mana musyashä partiman. Nogaga Acabman chayashaj caycho caycashayquita willar. Chaura pay mana tarishushpayquega nogatami wañuchimanga. Nogaga mösu cashäpita-pachapis amatarmi Tayta Diosta manchapacushcä.

2 Crónicas 34:3

Mösullaraj caycashpan pusaj watana ray caycashancho unay caj awilun David rispitashan Tayta Diosmanna yäracuran. Chunca ishcay (12) watana ray caycashpan Judächo, Jerusalencho caycaj puytush lömacunacho mana sirbej capillacunata illgächiran. Illgächiran Asera diosa-niraj ïdulucunata, waquin ïdulucunata, chullurcachir jundiypa rurashan ïdulucunatapis.

Salmos 119:166

Tayta Dios, nogaga mandamintuyqui niycashanno llapantami cumlishcä. Salbamänayquitami munaycä.

Salmos 119:81

Salbamänayquitami pasaypa shuyaraycä. Palabrayquimanmi yäracuycä.

Salmos 13:5

Cuyacoj captiquimi gamman yäracamö. Shongöpis fiyupami cushicun salbamashayquipitaga.

Salmos 39:7

Tayta Dios chayno caycaptenga ¿imatanataj shuyaräshaj? Gamllamanna yäracamushaj.

Salmos 42:11

Chauraga ¿imanirtaj yarpachacöman? ¿Imanirtaj llaquicöman? Tayta Diosmanmi yäracuycä. Payllatami alabaycäshäpis. Paymi Salbamaj Diosnëga.

Salmos 71:17

Tayta Dios, mösu cashäpita-pachami gamga willapämashcanqui. Canancamapis fiyupa allita rurashayquitami willacuycä.

Eclesiastés 12:1

Jipash-mösu cashayquicama Tayta Diosta yarpay. Ima sasacunapis manaraj chayashushayquicama camashoj Tayta Diosta wiyacuy. Shamoj watacunachöga cayno ninquipaj: «Cawarpis manami imatapis jorgönachu» nir.

Jeremías 14:8

Gamllamanmi Israelcunaga yäracamö. Fiyupa llaquicurcaycaptëpis gamllami imapitapis salbamanqui. Cananga ¿imanirtaj cay nasyunchöga jäpano caycanqui? ¿Imanirtaj gorpa pachacojnölla caycanqui?

Jeremías 17:13

Gamllami canqui Israelcuna yäracunanga. Gamta gongaycushoj cäga canga fiyupa pengaychömi. Gamta manana sirbishoj cäga canga ñuchu allpacho jutita isquirbishan illgacäcushannömi. Mana chaquej chuya yacuno caycaptiqui cachaycushushayquipitami chaynöga canga.

Jeremías 17:17

Chaymi Tayta Dios ama camacächiychu noga manchacunätaga. Gamga canqui llaquicur ñacashä wichan imapitapis pacamajmi.

Jeremías 17:7

«Nogallaman yäracamoj runami ichanga bindisyunta chasquenga.

Jeremías 50:7

Contrancuna tariycärir ñacachej. Nircur nej: ‹Noganchëga manami juchayojchu canchi. Quiquincunami juchayöga alli goyächej Tayta Diosta mana wiyacushanpita. Unay awiluncunapis Paymanmi yäracoj.›

Lucas 2:40

Chaycho tiyar Jesusga wiñayllan-tupu mas yarpaysapa caran. Tayta Diospis alli ricashpanmi yanapaycaran.

Romanos 15:13

Tayta Diosninchi yanapayculläshunqui payman yäracur jucniqui-jucniquipis alli cawanayquipaj, Espíritu Santupa maquincho cawanayquipaj y ñaupanman chayanayquipaj cashanta musyar waran-waran cushisha cawanayquipäpis.

2 Timoteo 3:15

Wamra cashayquipita-pachami yachacushcanqui Tayta Diosninchïpa palabranta. Palabranta yachacurmi Jesucristuman yäracur payta chasquicushcanqui. Chaymi Tayta Diosninchi salbasha-cashunqui.

1 Samuel 16:13

Chaura Samuelga jinan öra asëtita wiñaparan. Llapan wauguincunapa ñaupanchömi Davidtaga ray cananpaj churaran. Chay örapita-pacha Davidtaga Tayta Diospa Espiritun yanaparan. Chaypita Samuelga llapanpita dispidicurir Ramäman cuticuran.