Salmos 71:16 - Tayta Diosninchi Isquirbichishan

¹⁶ Tayta Dios nogaga willacushämi fiyupa allicunata rurashayquita. «Dios japallanmi juchaynäga» nirmi willacushaj.

Salmos 71:16 ပူးပေါင်းရင်းမြစ်များ

Salmos 106:2

¿Piraj Tayta Dios milagruta rurashancunata willacuyta camäpacunman? ¿Piraj alabanman Tayta Diosta alabanapaj cashanmannöga?

Salmos 29:11

Tayta Diosmi acrashan runacunataga munayninwan yanapan. Tayta Diosmi acrashancunataga bindisyunta gon jauca goyäcunanpaj.

Salmos 51:14

Tayta Dios, gammi salbamajnë canqui. Wañuchicushäpita perdunaycamay ari. Chauraga cantashpämi willacushaj gam alli cashayquita.

Salmos 71:15

Goyay-goyay pï-maytapis willacushaj alli ruraj cashayquita, nogacunata salbamashayquita. Ichanga willapaytapis manami ushämanchu.

Salmos 71:19

Tayta Dios, alli ruraj cashayquega chayan janaj syëlucamami. Gamga rurashcanqui almiraypajcunatami. ¡Manami pipis tincunchu gammanga!

Salmos 71:2

Tayta Dios, allita rurajmi canqui. Salbaycamay ari. Wiyaycallämay, yanapaycallämay ari.

Salmos 71:24

Mana alliman chayanäta munajcunaga fiyupa pengaypämi cananga carcaycan. Chaymi gam alli jusgaj cashayquitaga imay örapis parlaycäshaj.

Isaías 26:13

Tayta Dios, juc mandajcunami nogacunataga munaynincho charämasha. Ichanga gamllami Tayta Diosnë canqui.

Isaías 40:31

Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.

Isaías 63:7

Nogaga Tayta Dios cuyapäcoj cashantami parlayta munä. Tayta Diosga noganchïpaj ima-aycatapis rurashami. Israel runacunata fiyupami cuyapasha. Cuyacoj cashpan yanapämashanpitami payta alabayta munä.

Zacarías 10:12

Acrashäcunataga nogami callpayojyächishaj. Nircorga nogaman yäracamushpannami aywanga. Noga Tayta Diosmi chayno në.»

Mateo 6:33

Chaycunapaj yarpachacunayquipa ruquenga yarpachacunquiman Tayta Diospa maquincho cawanayquipaj. Pay munashanno cawaptiquega imata nistashayquitapis tarichishunquipämi.

Romanos 1:17

Chay alli willacuychöga tantiyachimanchi Jesucristuman yäracullar salbasha cananchïpämi. Chaymi palabranchöpis isquirbiraycan: «Alli runaga Tayta Diosman yäracushanpitami salbasha canga» nir.

Romanos 10:3

Paycunaga manami tantiyanchu Tayta Diosninchi alli ricananpaj camacächishanta. Paycunaga yarpan quiquincuna layta cumlishanwan alli ricasha caytami. Chaynöpami mana cäsushachu Tayta Dios alli ricananpaj cashantapis.

Romanos 3:21

Cananga manami laycunata cumliptinchïrächu Tayta Diosninchi salbamanchi. Chaytami Moisés isquirbishan laychöpis, profëtacuna isquirbishanchöpis musyachimanchi.

Efesios 3:16

Llapanpäpis munayniyoj captin paytami mañacö Espíritu Santu imaypis shonguyquicunata shacyächinanpaj.

Efesios 6:10

Ermänucuna, Jesucristo fiyupa munayniyoj car yanapäshushayquiwan sumaj callpachacuy ari.

Deuteronomio 33:25

Siudä puncunpa rancancunapis fyërrupita, runsipita caycullächun. Callpancunapis wañushanyaj ama ushacächunchu.»

Filipenses 3:9

Cananga Jesucristuwan jucnayllanömi cawä. Manami laycunata cumlishäpitachu ni allicunata rurashäpitapischu Tayta Diosga alli ricaman. Chaypa ruquenga Jesucristuman yäracuptinchïmi Tayta Dios alli ricamanchi.

Filipenses 4:13

Jesucristo yanapämaptinmi llapanchöpis alli llogshë.

2 Tesalonicenses 1:6

Tayta Diosga alli arriglaj carmi chay contrayquicunata fisyu junajcho Tayta Dios jusgangapaj.

2 Timoteo 2:1

Cuyashä Timoteo, Jesucristo yanapaycäshuptiquega balurchay.