Salmos 7:10 - Tayta Diosninchi Isquirbichishan

¹⁰ Nogata imapitapis chapämäga janajcho caycaj Tayta Diosmi. Paymi alli runacunataga salban.

Salmos 7:10 ပူးပေါင်းရင်းမြစ်များ

Génesis 15:1

Chaypita unayllataga Abramta Tayta Dios ribilar cayno niran: «Abram, ama manchacamaychu. Nogami gamtaga ima mana allicunapitapis chapaycä. Gamtaga ima-aycayquipis mas aypalla cananpämi yanapäshayqui.»

1 Crónicas 28:9

«Salomón, gamga rispitashä Tayta Diosta rispitar sirbinqui llapan shonguyquiwan, llapan callpayquiwan. Tayta Diosga musyanmi imata yarpaycashayquitapis. Gam payman yäracuptiquega yanapäshunquipämi. Payta gongaycuptiquimi ichanga paypis cachaycushunquipaj para-simrina.

Job 8:6

Juchata mana ruraypa alli cajllata ruraptiqui Tayta Diosga cuydashunquipämi. Chauraga alli goyaytanami tarichishunquipaj.

Salmos 112:2

Alli runapita mirajcunami cay pachachöga munayniyoj canga. Alli runacunapita mirajcunaga bindisyuntami chasquenga.

Salmos 125:4

Tayta Dios, allita ruray ari alli runacunapaj, rasun cajllata rimaj runacunapäpis.

Salmos 3:3

Chayno niptinpis Tayta Dios, gammi imapitapis chapämanqui. Gammi shacyächimanqui. Gammi cushicachimanqui.

Salmos 84:11

Tayta Dios gammi intita achicyächimunqui, ima mana allipitapis chapämanqui. Munashayquino goyajcunataga cuyanquimi, allimi ricanqui. Paycunataga llapantapis allitami tarichinqui.

Salmos 89:18

¡Tayta Dios, gammi canqui chapacuna escüdö! ¡Israelpa Santo Diosnin, gammi canqui nogacunapa raynë!

Proverbios 11:20

Jucha rurayllapaj yarparajtaga Tayta Dios melanäcunmi. Allita rurar goyajcunatami ichanga alli rican.

Proverbios 2:21

Dios munashanno goyajcunami, pipis mana rimasha goyajcunami cay pachacho alli cawanga.

Proverbios 28:18

Alli runaga llapanpitami salbaconga. Fiyu runami ichanga disigrasyaman chayanga.

Jeremías 11:20

Munayniyoj Tayta Dios, gammi ichanga rasunpa alli juez canqui. Gamga musyanquimi runacuna imata yarpaycashantapis. Nogaga gampa maquiquimanmi llapantapis churaycamushcä. Imano castiganayquipaj cashantapis ricachimay ari.

Jeremías 17:10

Nogami ichanga llapanpa shongun imano yarpaycashatapis musyä. Nogaga cada-ünuntami imanöpis cashanpita, imanöpis rurashanpita pägunta gö.»