Salmos 69:3 - Tayta Diosninchi Isquirbichishan

³ Chay-jina gaparaycällar gasmashcänami. Cuncäpis nanaycannami. Tayta Diosta shuyaraycaptillänami ñawëpis chacaycanna.

Salmos 69:3 ပူးပေါင်းရင်းမြစ်များ

Job 11:20

Fiyucunami ichanga ashirpis mana tarengachu. Pacacunanpaj ashirpis manami tarengachu. Paycunataga wañuyllami shuyaraycan.»

Job 16:16

Wagaycaptillämi gaglläpis jacacurcusha. Ñawëpis pucayacäcusha.

Salmos 119:123

Ñawëpis chulluycan salbamänayquipaj ricchacur shuyaraycaptillämi, aunimashayquita cumlimänayquipaj shuyaraycaptillämi.

Salmos 119:82

Gam aunimashayquita ricchacuycaptillämi ñawëpis chulluycan. Chaymi «¿imayraj shamunqui shacyächimänayquipaj?» në.

Salmos 22:15

Shimëpis chaquicäcushami. Gallöpis watacäcushami. Wañushata-japuyna jitaraycajta cachaycamashcanqui.

Salmos 22:2

Tayta Diosnillä, goyay-goyay mañacamuptëpis manami yanapämanquichu. Pagaspapis manami jamaytapis tarënachu.

Salmos 25:21

Nogaga gamllamanmi yäracamö. Allillata ruranäpaj tantiyaycachimay ari.

Salmos 39:7

Tayta Dios chayno caycaptenga ¿imatanataj shuyaräshaj? Gamllamanna yäracamushaj.

Salmos 40:3

Tayta Diosmi yarpayta gomaran mushoj alabansata cantanäpaj. Imano päsamashantapis musyaycur runacunaga fiyupa almiraran. Chaynöpami Tayta Diosmanna yäracuran.

Salmos 6:6

Atarpis pasaypanami uticashcä. Waray waraymi amatar wagä. Jawanätapis wagaycaptillämi weguë ushmasha.

Salmos 69:21

Ichanga micuynëmanmi benënuta wiñasha. Yacunaptëpis binagritami upuchimasha.

Salmos 88:7

Rabyashayquitami nogacho päsacächishcanqui. Chayasha mayu cuchpayllapa aywar ñiticurcojnömi ruraramashcanqui. Selah

Isaías 38:14

Äbicuna wagajnömi nanächicuycä. Palumanöllami nanaywanpis ataycä. Ñawëpis uticannami syëluman ricarayllawan. Tayta Dios fiyupami ñacaycä. Nogapa faburnë jatarcuy ari.

Lamentaciones 2:11

Wagaycaptillämi ñawëpis chacaycanna. Mayaptë pëchöpis rachicäcojnöraj caycan. Marca-masëcuna tiyashan siudä illgashata ricashcä. Chuchuycaj wamracunapis cällicunacho yargaypita wañuycajtami ricashcä. Chaymi balurnëpis manana cannachu.

Juan 19:28

Chaypita Jesusga musyaranna llapanpis cumlishana cashanta. Chaymi Tayta Diospa palabrancho niycashan cumlinanpaj Jesusga «Yacunaycä» niran.

Deuteronomio 28:32

Ricapaycaptiquimi wamrayquicunata warmita ollgutapis juc-lä nasyun runacuna apaconga. Waran-waran paycunapaj fiyupa llaquicurpis manami ricanquipänachu.

Hebreos 5:7

Jesucristoga cay munducho goyaycashpan wagayparaj, gayacuyparämi ruwacuran. Wañuypita salbacoj Tayta Diosta mañacuran «Yanapaycallämay munashayquino llapanpis camacaycunanpaj» nir. Tayta Dios nishanta ruraj captinmi mañacushanta wiyaran.