Salmos 69:26 - Tayta Diosninchi Isquirbichishan

²⁶ Paycunaga llaquicaycächishayqui runatami gaticacharcaycan. Paycunaga ñacaycächishayqui runatami manacajman churaycäman.

Salmos 69:26 ပူးပေါင်းရင်းမြစ်များ

2 Crónicas 28:9

Chaycho caycaran Tayta Diospa profëtan Oded. Paymi Samariaman suldärucuna prësuta yaycuycächiptin tariparcur niran: «Unay famillyayquicuna rispitashan Tayta Diosmi Judäcunapaj fiyupa rabyacurcusha. Chaynöpami gamcunapa munayniquiman churamusha. Gamcunaga fiyupa rabyawanmi wañuchishcanqui. Chayno rurashayquitaga Tayta Diospis musyaycanmi.

Job 30:13

Caminötapis chapacarcärin. Manami pipis canchu nogata yanapämänanpäga.

Salmos 109:16

Chay runaga imaypis manami cuyapäcuyta yachashachu. Pobricunata, umildicunata, llaquicuycajcunatapis wañuchinancama gaticachaj.

Isaías 53:10

Tayta Diosmi chayno manacajman churaypa ñacachiyta munaran. Sirbejninnami llapan juchayojcunapa ruquin wañunan caran. Chaypitami payga unaycama cawanga. Paypita mirajcunatapis ricangarämi. Tayta Dios munashancunataga llapanta paymi ruranga.

Isaías 53:4

Chaypis payga ñacaycaran noganchi ñacananchïpaj cajtami. Noganchi nanächicunanchïpaj cajtami payga nanächicuycaran. Noganchëga yarparanchi Dios payta chayno ñacaycächishanta, chayno castigaycashanta, pasaypa manacajman churaycashantami.

Zacarías 1:15

Ichanga fiyupami rabyaycä imapäpis mana yarpachacuypa goyarcaycaj nasyun runacunapaj. Noga yangalla rabyasha caycaptëpis paycunaga mastami rabyachimaran Israelcunata fiyupa ñacachishpan.

Zacarías 13:7

Munayniyoj Tayta Diosga caynömi nin: «Sabli, uyshëröpawan yanapämajnëpa contran ricacuy. Uyshëruta wañuycachiy. Chaura uyshacunaga machiypa-machirmi aywaconga. Noganami uysha-mallwäcunapa contran ricacushaj.

1 Tesalonicenses 2:15

Chay Israel nasyun runacunallami Tayta Jesucristutapis chiquir wañuchiran. Tayta Diosninchïpa profëtancunatapis unay Israel runacuna wañuchiran. Chaynömi nogacunatapis gargamasha. Tayta Dios munashanno ruranapaj cajta manami munanchu. Paycunaga pï-maywanpis tincuypami tincuycan.