Salmos 67:1 - Tayta Diosninchi Isquirbichishan

¹ Tayta Dios cuyapämashpanchi bindisyunninta gomäshun ari. Alli ñawinwan ricaycamäshun, Selah

Salmos 67:1 ပူးပေါင်းရင်းမြစ်များ

Salmos 119:135

Nogataga alli ñawiquiwan ricaycamay ari. Layniquicunatapis yachachimay.

Salmos 28:9

Acrashayqui runacunata salbay Tayta Dios. Gam acrashayqui cajcunataga bindisyunta goycullay. Uyshërunöpis sumaj ricaycullay. Margashalla apaycuy imaycamapis munayniquicho goyänanpaj.

Salmos 31:16

Cuyapaycamay gamta sirbishoj uywayniquitaga. Cuyacoj cashpayqui salbaycamay ari.

Salmos 4:1

Conträcunapita chapämaj Tayta Diosnë, ¡mañacamuptë yanapaycamay ari! Llaquicuycaptë gamga shacyächimarayquimi. ¡Cananpis cuyapämashpayqui wiyaycamay ari mañacamushäta!

Salmos 4:6

Achcajmi nircaycan: «¿Piraj alli cawayta tarichimäshun?» nir. ¡Tayta Dios, alli ñawillayquipa nogacunaman ricäramuy ari!

Salmos 6:1

Tayta Dios, rabyasha caycashayqui öraga ama piñacamaychu. Fiyupa rabyasha carga ama castigamaychu.

Salmos 76:1

Judäcunaga llapanmi Tayta Diospaj parlan. Israelcunaga llapanmi musyan pï Tayta Dios cashantapis.

Salmos 80:19

Munayniyoj Tayta Dios, ñaupatano alli goyänäcunapaj yanapaycamay. Alli ñawillayquiwan ricäramay ari salbasha canäcunapaj.

Salmos 80:7

Munayniyoj Tayta Dios, ñaupatano alli goyänäcunapaj yanapaycamay ari. Alli ñawillayquipa ricäramay ari salbasha canäcunapaj.

2 Corintios 13:14

Taytanchi Jesucristuwan tayta Diosninchi y Espíritu Santupis imaypis yanapayculläshunqui. [Amén.]

2 Corintios 4:6

Cay munduta camashpanpis quiquin Diosmi niran: «Chacaj caycashanpita achicyächun». Paymi achicyajno caycaj alli willacuyninta nogacunapa shongöman churasha. Chaynöpami nogacunaga Jesucristuta ricar achqui achicyajnöpis musyaycächë Diosninchi alli cashanta.

Efesios 1:3

¡Tayta Diosninchïta alabashun! Paymi Taytanchi Jesucristupa taytan. Paymi Jesucristu-raycu syëlupita-pacha tucuy bindisyunta gomanchi.

Deuteronomio 21:8

Acrashayqui Israelcunataga perdunaycuy ari Tayta Dios. Juchaynaj runa wañushanpita ama jitapaycamaychu Egiptupita jorgamushayqui runacunataga› nir. Chayno ruwacur mañacuptiquega runa chaycho wañushanpita Tayta Dios manami castigashunquipächu.