Salmos 60:3 - Tayta Diosninchi Isquirbichishan

³ Nogacunataga ñacaymanmi chayachimashcanqui. Castïgu bïnuta upuchimashayquipitami ñacaycäcuna.

Salmos 60:3 ပူးပေါင်းရင်းမြစ်များ

Nehemías 9:32

«Tayta Dios gamga canqui munayniyojmi, manchacunami. Parlacushayquitaga manami gonganquichu. Cuyacunquimi. Asiriapa raynincuna cashanpita canancamami castïgu nogacunaman, raynëcunaman, mandajnëcunaman, cüräcunaman, gampita willacojcunaman, unay caj awilöcunamanpis chayasha.

Salmos 71:20

Gamga fiyupa ñacayman llaquicuymanmi chayachimashcanqui. Chaypis yapaymi cawachimanquipaj. Allpa rurinpitapis yapaymi jatarachimanquipaj.

Salmos 75:8

Tayta Diosga jusgar castigananpaj cöpan aptashami caycan. Fiyupa pogusha bïnutanömi chararaycan. Chay cöpata jicharamuptin cay pachacho caj juchasapacunaga gonchuntintami upucarcärenga.

Salmos 80:4

Israelcuna mañacuycäshuptiquipis ¿imaycamaraj rabyashalla caycanqui munayniyoj Tayta Dios?

Salmos 80:8

Egiptupitami übas lantata apamurayqui. Mana rispitashojcunataga chacrapita jitarishcanqui chay übasta lantanayquipaj.

Salmos 85:5

Nogacunapäga ¿imaypis chaynöllachuraj rabyasha caycanqui?

Salmos 89:39

Umancho caycaj corönantapis pampamanmi jitarishcanqui. Sirbishojniquiwan alli parlacushayquitapis manami cumlishcanquichu.

Isaías 51:17

Jerusalén, apurä ricchay ari. Juclla jatariy. Gamga Tayta Dios castigacunan cöpacho caycajtami upushcanqui. Juc runa cöpata charir ushajpaj upucurcur fiyupa machasha cashannömi ñacashcanqui.

Isaías 51:22

Acrashan runacunata imapitapis chapaj Tayta Diosniquimi cayno nin: «Castigacuna cöpa aptaraycashayquita guechurejnami-aywä. Cananpitaga mananami imaypis upunquipänachu noga rabyar upuchina cöpäpita.

Jeremías 25:15

Israelcunapa Tayta Diosninmi nimaran: «Masqui ricay, noga rabyasha caycashäga caycan cay cöpacho junta bïnu caycajnömi. Cay bïnuyoj cöpata chasquimay. Nircur cachashä cajpa aywashpayqui chayashayqui nasyuncunachöga llapan runata upuchinqui.

Lamentaciones 4:21

Uz particho caj Edom nasyun runacuna mä cushicuy ari. Gamcuna cajmanpis castïgu chayamongapämi. Chauraga macharcur garapächulla cashannömi pengaypaj ricacunquipaj.

Daniel 9:12

Castigamänayquipaj nishayquinömi rasunpa castigamashcanqui nogacunata, mandajnëcunatapis. Manami imaypis cay pachamanga castïgu chayamushachu canan Jerusalenta castigashayquinöga.

Habacuc 2:16

Chayno rurashayquipitami rispitädu canayquipa ruquenga pengaycho canquipaj. Upuchishayquipitami gamtapis chay machächicojtaga Tayta Dios cöpawan upuchishunquipaj. Chaura galapachacushpayqui pengayniquitapis ricachicunquipämi.

Apocalipsis 16:19

Jatun Babilonia siudätaga runacuna llutanta rurashanpitami Tayta Dios rabyar fiyupa castigaran. Chaymi chay siudäga quimsaman raquicäcuran. Waquin siudänincunanami juchur ushacaran.

Apocalipsis 18:16

«¡Ay jatuncaray siudä! Cuyayllapaj car lïnupita rurasha puca chicnu alli röpashami caran. Goriwan, perlascunawan, cuyayllapaj rumicunawan adurnashami caran.