Salmos 6:2 - Tayta Diosninchi Isquirbichishan

² Tayta Dios, cuyapaycamay ari. Gueshyarmi callpaynaj ricacushcä. Tayta Dios, allchacaycachimay ari. Intëru cuerpöchaj sicsicyaycan.

Salmos 6:2 ပူးပေါင်းရင်းမြစ်များ

Génesis 20:17

Sarata Abimelec pushachishanpitami Tayta Diosga camacächiran Abimelecpa wasincho caj warmicuna wawata mana tarinanpaj. Chaymi Abraham Diosta mañacuptin Abimelecpa uywaynin warmicunata allchacächiran llapan wawayoj cananpaj. Abimelectapis warmintinta allchacächiran.

Job 19:21

«Amïgöcuna cuyapaycamay ari. Nogataga Tayta Diosmi castigaycäman.

Job 5:18

Pay garayquita rachishpanga jampipäshunquimi. Castigashushpayquipis allchacächishunquimi.

Salmos 22:14

Yacu jicharishanönami caycäpis. Tullöcunapis pasaypa gotucäcushanami. Shongöpis ushaycanna.

Salmos 30:2

Tayta Dios, ruwacur mañacuptë allchacächimarayqui.

Salmos 31:10

Wagaycällarnami waran-waranllanta auquinyaycä. Llaquicuycaptillänami callpäcunapis ushacäcusha. Intëru cuerpöpis pasaypami gotucäcusha.

Salmos 32:3

Jucha rurashäta amuräcushäcamaga goyarpoj wagaycaptilläna cuerpöpis pasaypana gotucaycasha.

Salmos 38:2

Lëchayquipis cuerpöchömi jaticasha caycan. Maquiquiwanmi ñacachimashcanqui.

Salmos 38:3

Rabyasha piñacamaptiquimi intëru cuerpöpis manana sänunachu. Juchäpitami tullöcunapis manana sänunachu.

Salmos 38:7

Rupaywan wajtäpis rauraycan. Intëru cuerpömi nanaycan.

Salmos 51:8

Cushicurcaycajta ricachimay ari. Chauraga llaquicachimasha captiquipis yapaynami cushicushaj.

Éxodo 15:26

Paycunata niran: «Wiyacamaptiquega, munashänölla cawaptiquega, laynëcunata cumliptiquega Egiptucunata castigar gueshyawan charichishäno manami castigashayquipächu. Nogami cä Tayta Diosniqui, imapitapis allchacächej.»

Jeremías 10:24

Tayta Dios, castigarga castigamay cuyapayllapa. Rabyashaga ama castigamaychu ari. Rabyasha castigamarga illgarachimanquimanchari.

Jeremías 17:14

Tayta Dios, gamllatami rispitar alabä. Allchacächimay ari sänuna canäpaj. Salbaycamay ari salbashana canäpaj.

Oseas 6:1

Llapanchi shuntacäshun. Nircur Tayta Diosninchïmanna cutishun. Paymi rachir-usharamaranchi. Chaymannömi allchacächimäshunpis. Yawar-yawar ruramashcanchi. Chaymannömi jampimäshunpis.

Números 12:13

Chaura Moisesga Tayta Diosta ruwacur mañacuran: «Tayta Dios, Mariata allchacaycachiy ari» nir.

Mateo 4:24

Siria runacunapis parlaj «Jesusga allchacächinmi gueshyajcunata» nir. Chaymi payman apapämoj llapan gueshyaycajcunatapis, tucuy-niraj gueshyawan gueshyaycajcunatapis, dyablu ñacaycächishancunatapis, wañuy gueshyawan gueshyajcunatapis, mana cuyucuypa gueshyar jitaraycajcunatapis. Chay gueshyajcunata llapanta Jesús allchacächej.

Deuteronomio 32:39

¡Nogallami llapanpaj munayniyoj Dios caycä! Nogapita mas jucga manami canchu. Nogami munayniyoj caycä pitapis cawayta gonäpaj, wañuchinäpäpis. Nogami pitapis gueshyachë, allchacächëpis. Ñawëpitaga manami pipis gueshpinchu.