Salmos 57:4 - Tayta Diosninchi Isquirbichishan

⁴ Nogaga runa micoj liyuncunapa chaupincho caycajnömi caycä. Liyuncunapa quiruncunanömi caycan lëchancuna, tucsicunancuna. Gallunnömi caycan afilasha sablincunaga.

Salmos 57:4 ပူးပေါင်းရင်းမြစ်များ

Job 41:14

¿Piraj shiminta quicharinman? Quiruncunaga caycan fiyupa manchacuypämi.

Salmos 10:9

Liyun machaypita ricchacojnörämi, pacarashanpita pobritaga watgarcaycan. Chariycärerga garchacarcärir apacun.

Salmos 35:17

Tayta Dios, ¿imaycamaraj fiyucunata ricapanqui? Liyuncunanöpis gaparaycar puriycajpita salbaycamay ari.

Salmos 43:3

Achquipaycamay, alli ricaycamay. Tiyaycashayqui rispitädu Sión lömaman chayaycachimay ari.

Salmos 52:2

Mana allicunata rurayllatami yarparaycanqui. Washa-rima cashpayquimi pï-maytapis llullapar goyanqui.

Salmos 55:21

Paycunaga mishquillami parlan. Shongunchöga wañuchicuyllatami yarparcaycan. Mishquichipayllapa parlarpis ashllicuyllatami yachan.

Salmos 58:6

Tayta Dios, ¡quiruncunatapis amirgäriy! Tayta Dios, ¡chay liyuncunapa agärancunata paquirgäriy!

Salmos 59:7

Shimin tarishantami rimarcaycan. Pipis mana wiyashanta yarparmi pï-maytapis ashllin.

Salmos 64:3

Paycuna parlashanga fïnu sabli nanächicushannörämi nanächicunpis. Paycuna parlashanga benënuyoj lëchanömi nanächicunpis.

Proverbios 12:18

Waquin runapaga gayapashan nanayparämi chayaycun. Yachaj runacuna rimashanmi ichanga jampino cushicachin.

Proverbios 25:18

Llullacur runa-masinpa contran rimäga mana alli runami. Chay-niraj runaga mäsunömi, espädanömi, llauchi-punta lëchanömi malubracun.

Proverbios 28:15

Pobri runacuna tiyashancho fiyu runa mandaj carga caycan yargaypita gaparaycaj liyunnömi, yargaycaj ösunömi.

Proverbios 30:14

Waquenga yargaj cashpanmi pobricunapa imantapis guechun. Chay runacunapa quironga espädanömi. Waguncunapis cuchillunömi. Chayno carmi pobricunapa imantapis ushapan.

Santiago 3:6

Shiminchïpis shanshanömi caycan. Juchaman chayachimänanchïpäpis munayniyojmi. Quiquinchïtapis usharamashwanmi. Chay ninata noganchïcho ratarachëga caycan dyablumi.

Apocalipsis 19:15

Llapan nasyuncunata castigananpämi afilasha sabli shiminpita llojshimuran. Chaywanmi llutanta ruraj runacunata fiyupa rabyar mana cuyapaypa castiganga. Übasta gapchishannömi runacunata castiganga llapanpaj munayniyoj Tayta Diosta rabyachishanpita.

Jueces 9:20

Chayno mana captenga Abimelecpita nina ratarir rupacurcuchun Shequemcho, Bet-milucho tiyajcunata. Shequempita, Bet-milupita nina ratarirna rupar ushacurcuchun Abimelectapis.»