Salmos 5:10 - Tayta Diosninchi Isquirbichishan

¹⁰ ¡Paycunataga castigaycuy ari Tayta Dios! ¡Jucpaj mana allita yarpashancunaga quiquinman chayachun! Paycunaga gampa contrayquimi ricacusha. Jitariyna fiyupa juchata rurashanpita.

Salmos 5:10 ပူးပေါင်းရင်းမြစ်များ

2 Samuel 15:31

«Ahitofelmi Absalonpa shimita gojnin» nejta mayar Davidga Tayta Diosta mañacuran Ahitofel yarpashan mana camacänanpaj.

2 Samuel 17:14

Husai yarpashanga mas alli caran Ahitofel yarpashanpitaga. Chaymi Absalonpis llapan Israelcunapis alli chasquiran. (Ahitofel yarpashantaga Tayta Diosmi pirdichiran Absalón wañunanpaj.)

2 Samuel 17:23

Ahitofelga yarpashan mana camacaptin bürrunta sillacurcur yurishan marcanman aywacuran. Incargacurir quiquin maticuriran. Chaynöpami wañuran. Papänin pampacushallanman pampaycäriran.

2 Crónicas 25:16

Chayno profëta niycaptin rayga ollgur niran: «Manami gamtaga churashcächu willapämänayquipaj. Wañuchinäta mana munarga upällalla cacuy.» Chaura profëtaga manana rimaparannachu. Ichanga niran: «Nogaga musyaycänami chayno rurashayquipita, noga nishäta mana wiyacushayquipita Tayta Dios ushacächishunayquipaj cashanta.»

Ester 7:10

Chaynömi Amanga wañuran Mardoqueota matinanpaj camarishancho. Matiycachir-raj rayga rabyashanpita allchacaran.

Salmos 10:15

¡Fiyucunataga maquintapis paquirgäriy! ¡Llapan mana allita rurashancunapita jusgay!

Salmos 107:11

Paycunaga Tayta Dios willapashanta manami wiyacushachu caran. Tayta Dios rurananpaj caycashanta manacajman churaran.

Salmos 17:13

¡Tayta Dios, yanapämayna ari! ¡Fiyu runacunataga ruwacachiy! Fiyu runacunapita salbaycamay sabliquiwan.

Salmos 31:18

Llullacunawan, asipar manacajman churacojcuna, alli cacojcunata abusapar gallaripajcunaga illgächun.

Salmos 35:26

Mana alliman chayashäpita cushicurcaycajcunaga pengaycho ricacuchun. Nogapita mas alli-tucojcunaga fiyupa pengaycho cachun.

Salmos 55:15

¡Chiquimajcunaga illajpita wañuchun! ¡Mana allillata rurashanpita cawaycajllatana pachapis micucurcuchun!

Salmos 66:7

Munayniyoj cayninwanmi imaycamapis mandanga. Imano cashantapis intëru nasyuntami ricapaycan. Chaura mana wiyacojcunaga paypa contran ama jatarichunchu. Selah

Salmos 71:13

¡Nogata chiquipämajcunaga quiquincuna pengayman chayachun, illgächun! ¡Noga mana alliman chayanäta munajcunataga quiquincunata mana alli chayachun!

Salmos 79:12

Tayta Dios, ganchis cuti maspa castigay bisïnöcuna gampa contrayqui rimashanpita.

Isaías 1:2

Janaj pacha, cay pacha Tayta Dios cayno nishanta wiyay: «Wamräcunatami rucuyänancama uywashcä. Rucuyarcurnaga chiquicarcamashana.

Isaías 1:20

Imaypis chaynölla mana wiyacoj cashpayquimi ichanga imanöpa gueshpiyta munarpis guërracho wañunquipaj.» Quiquin Tayta Diosmi chayno nisha.

Isaías 63:10

Chaypis paycunaga Tayta Diospa contranmi ricacuran. Chaymi Santo Tayta Diosta rabyachiran. Chaynöpami Tayta Diosga paycunapaj rabyacurcuran. Nircur contran ricacur castigaran.

Lamentaciones 1:5

Chiquejcunanami munaynincho chararaycan. Contrancunaga mas allimannami chayasha. Jerusalencunataga achca juchata rurashanpitami Tayta Dios ñacaycächin. Wamrancunatapis chiquejcunami prësu apasha.

Daniel 9:5

Nogacunaga juchatami rurashcä. Llutallantami rurashcäcuna. Gamta mana yarpashpämi goyashcäcuna. Mandamintuyquicunatapis, layniquicunatapis munashayquinöga manami rurashcäcunachu.

Daniel 9:9

Tayta Dios, gammi canqui cuyapäcoj, perdunacoj. Ichanga nogacuna gampa contrayquimi ricacurä.

Oseas 9:7

Chayamushanami juchayquiman-tupu castiganäpaj caj junajcuna. Israelcuna, musyanquipänami castïgu mayna chayamushanta. Gamcunaga nircaycanqui: «Profëtaga upami, löcuyaycanmi» nir. Chaynöga nircaycanqui fiyupa juchasapa cashpayquimi, fiyupa chiquicushpayquimi.

1 Corintios 3:19

Yachaj-tucoj runacunataga Tayta Diosninchi manacajmanmi churangapaj. Palabranchöpis caynömi niycan: «Tayta Diosga yachajcunata quiquin yarpashallanwanmi pengayman churan.»

Deuteronomio 2:30

«Chayno ruwashapis ray Sehonga manami munaranchu nasyunninpa päsamunanchïta. Tayta Diosninchïmi camacächiran mana auninanpaj. Chayno camacächiran gamcunapa munayniquicho cananpaj. Chaymi cananyajpis munayniquicho caycan.

1 Samuel 25:29

Pï gaticachäshuptiquipis, pï wañuchiyta munashuptiquipis, gamtaga Tayta Diosmi ima-aycapitapis salbashunquipaj. Chiquinacushayquitaga paymi jitarengapaj waracawan rumita waracarejnöpis.

1 Samuel 25:39

Nabal wañushanta mayar David niran: «¡Alabasha cachun Tayta Diosga. Nabal ufindimashanpita allichömi Tayta Dios castigasha! ¡Nogatapis chapämashami mana allita ruranäpita. Nabal mana allita rurashantapis quiquinmanmi ticrachisha!» Chaypitana Davidga cachacuran Abigailman «majachacäshun» nir.