Salmos 42:9 - Tayta Diosninchi Isquirbichishan

⁹ Imapitapis chapämaj Tayta Diosnë, ¿imanirtaj gongaycamashcanqui? ¿Imanirtaj chiquimajcuna ñacachimaptin llaquishaga purëman?

Salmos 42:9 ပူးပေါင်းရင်းမြစ်များ

Salmos 38:6

Llaquishalla, jagayashalla, uysucushallami purëpis.

Salmos 43:2

Imapitapis chapämaj Diosnë, ¿imanirtaj ñaupayquipita gargamashcanqui? ¿Imanirtaj llaquisha purëman? ¿Imanirtaj chiquimajcunapis ñacaycächiman?

Salmos 18:2

Gammi canqui washämaj, pacamaj, salbamaj, Diosnë, chapämaj gaga, chapacuna escüdö, munayniyoj salbamajnë, altunnin pacacunä.

Isaías 40:27

Jacobpita miraj Israelcuna, ¿imanirtaj cayno ninqui: «Tayta Diosga manami musyanchu imano goyaycashätapis. Diostaga manami imapis gocunchu imano caycashäpis» nir?

Salmos 62:2

Payllami salbaman y chapäman. Pay pacacunä captinmi ima mana allimanpis mana chayashächu.

Salmos 28:1

Tayta Dios, gamllami canqui gaganöpis chapämaj. Gamllatami ruwacur mañacaycämö. Ama caychu mana wiyaj-tucuypaga. Mana yanapämaptiquega wañusha japuynami ricacushaj.

Isaías 49:15

Tayta Diosmi ichanga nin: «¿Juc warmi gongaycunmanchuraj wamranta, quiquinpa wamran caycaptin mananachuraj cuyanman? Wamranta juc warmi gongaycuptinpis Nogaga manami gongashayquichu.

Eclesiastés 4:1

Chaypita ricarä cay pachacho imano ñacaycächejtapis. Ricashcä ñacajcuna wagaycajta. Wagaptinpis manami pipis shoganchu. Ñacachejcunaga firsapita imatapis rurachin. Chaypis ñacajcunataga manami pipis shoganchu.

Salmos 88:9

Wagaycällarnami gaprayaycäpis. Tayta Dios, waran-waranmi maquëtapis chojpacur gamllaman mañacaycämö.

Salmos 78:35

Chayrämi yarpärej paycunataga Tayta Dios imapitapis chapashpan maypitapis jorgushanta.

Salmos 77:9

¿Cuyapäcoj cashanta Tayta Diosga gongaycushachuraj? ¿Fiyupa rabyasha cashpan mananachuraj cuyapämäshun?» nir. Selah

Salmos 55:3

Fiyucuna gaparpashanwan, chiquimajcuna parlashanga mancharachimanmi. Fiyupami llaquicachimasha. Rabyacarcärirmi usharamayta munan.

Salmos 13:1

Tayta Dios, ¿imaycamaraj mana yarpämanquichu? ¿Para-simrinachuraj gongaycamanqui? ¿Imaycamaraj nogapita pacaräcunqui?

Salmos 92:3

Sumaj allimi arpa-mallwawan, arpawan gamta alabayga.