Salmos 40:6 - Tayta Diosninchi Isquirbichishan

⁶ Gamga manami cushicunquichu uywacunata pishtapäshushallayquipita, ni chaqui micuycunata garashushallayquipitapis. Aychata rupachipäshushallayquipitaga manami perdunanquichu. Chaycunapa ruquenga gamta wiyacunallätami munanqui.

Salmos 40:6 ပူးပေါင်းရင်းမြစ်များ

Job 33:16

Diosga runacunapa rinrillanchömi willapan. Piñacun. Mancharachin.

Job 5:9

¡Paymi ruran mana ricashanchi fiyupa almiraypajcunata! ¡Chaycunataga pipis manami tantiyanchu!

Salmos 139:17

Tayta Dios, gam yarpashayquega almiraypämi. Chay yarpashayquicuna aypalla cashanga mana atipaypämi.

Salmos 139:18

Yarpashayquicunata yupayta munaptëga agushpitapis mas aypallami caycan. Manami imaypis yupayta atipämanchu.

Salmos 50:8

Imatapis garamashayquipitachu, imaypis uywacunata nogapaj rupachishayquipitachu manami piñacö.

Salmos 51:16

Gamga manami cushicunquichu imatapis garashushayquipita. Chayta munaptiquega uywacunata rupachishpä gamta gararëmanmi.

Salmos 71:15

Goyay-goyay pï-maytapis willacushaj alli ruraj cashayquita, nogacunata salbamashayquita. Ichanga willapaytapis manami ushämanchu.

Éxodo 21:6

Chaura patrunninna wasëman pushanga. Nircur puncuman sumaj guelliycachir rinrinta uchcurenga uchcucunawan. Chayno ruraycuptenga imaycamapis uywayninnami canga.

Isaías 1:11

Tayta Diosga caynömi nin: «¿Imapänataj chaychica uywacunata garamanqui? Yamacashanami caycä sacrifisyu uyshacunata nogapaj rupachishayquipita, törucunapa wiranta rupachishayquipitapis. Fiyupami melanäcö törucunapa, uyshacunapa, chïbucunapa yawarninta.

Isaías 25:1

Tayta Dios, gammi canqui Diosnë. Nogaga gamtami rispitashpä alabashayqui. Almiraypajcunata rurashayquipitami adurashayqui. Unaypita-pachami yarpashayquicunaga caycan rasun cajlla, alli cajlla.

Isaías 66:3

Waquin runacunami ichanga aduramashpan töruta rupachinanpaj pishtan. Runa-masintapis wañuchin. Uyshata nogapaj pishtan. Allgutapis cuncanta milluypa wañuchin. Chaqui micuy ofrendancunatapis nogapaj churan. Nircorga cuchipa yawarnintapis churan. Aduramashpan insinsutapis rupachin. Nircorga ïdulucunatapis aduran. Chayno melanaypajcunata rurananpaj acrajcunaga chaycunata rurashpan fiyupa cushicun.

Oseas 6:6

Nogaga munä gamcuna rasunpa cuyamänayquitami. Manami munächu imatapis nogata garamänayquitaga. Nogaga munä ‹Diosnë› nimänayquitami. Manami munächu sacrifisyupaj uywacunata nogapaj apamunayquita.

Amós 5:22

Manami munächu rupachina sacrifisyucunata nogapaj pishtashayquitapis, ni chaqui micuy ofrendacunata goycamashayquitapis. Nogaga manami chasquishäpächu werannin töru-mallwacunata alli goyaypita sacrifisyupaj pishtaptiquipis.

Mateo 12:7

Gamcunaga manami tantiyanquichu Tayta Diospa palabrancho cayno nishanta: ‹Uywacunata altarcho rupachishayquipitapis runa-masiquita mas cuyapänayquitami munä.› «Chayta tantiyashpayquicunaga manami disïpulöcunata ‹juchayojmi canqui› ninquimanchu.

Mateo 9:13

Nogaga manami allita ruraycajcunata gayajchu shamushcä. Chaypa ruquenga shamushcä juchallancho goyaycajcunata gayajmi. Chaymi tantiyacunquiman Tayta Diospa palabrancho cayno niycashanta: ‹Uywacunata altarcho rupachishayquipitapis runa-masiquita mas cuyapänayquitami munä.› »

1 Samuel 15:22

Chaura Samuel niran: «Wiyacushaga sacrifisyucunata rupachishanchïpitapis masmi Tayta Diosga cushicun. Uyshacunata pishtarcur wiranta rupachishanchïpita mas allimi Tayta Dios nishancunata wiyacuptinchi.