Salmos 38:6 - Tayta Diosninchi Isquirbichishan

⁶ Llaquishalla, jagayashalla, uysucushallami purëpis.

Salmos 38:6 ပူးပေါင်းရင်းမြစ်များ

Job 30:28

Goyaycäpis fiyupa llaquishallami, intiman mana llojshejnölla. Täparaycämajcunapa ñaupanchömi mañacö pillapis yanapaycamänanpaj.

Job 7:5

Cuerpöcunacho curu juntashami caycan, gueri chucrushantin. Guerëpitapis pogrullami aywaycan.

Salmos 107:17

Paycuna waquenga juchanpita gueshyarcaycaran, llaquicurcaycaran.

Salmos 145:14

Tayta Diosga tunejcunata charinmi. Ñacaycajcunatanami alliman churan.

Salmos 31:10

Wagaycällarnami waran-waranllanta auquinyaycä. Llaquicuycaptillänami callpäcunapis ushacäcusha. Intëru cuerpöpis pasaypami gotucäcusha.

Salmos 35:14

Fiyupa llaquishalla purejpis cä. Mamäpaj, amïgöpaj, wauguëpaj lütu caycajnöraj llaquicoj cä.

Salmos 42:5

¿Imapänataj yarpachacöman? ¿Imapänataj llaquicöman? Tayta Diosmanmi yäracuycä. Payllatami alabashäpis. Paymi Salbamaj Diosnëga.

Salmos 42:9

Imapitapis chapämaj Tayta Diosnë, ¿imanirtaj gongaycamashcanqui? ¿Imanirtaj chiquimajcuna ñacachimaptin llaquishaga purëman?

Salmos 43:2

Imapitapis chapämaj Diosnë, ¿imanirtaj ñaupayquipita gargamashcanqui? ¿Imanirtaj llaquisha purëman? ¿Imanirtaj chiquimajcunapis ñacaycächiman?

Salmos 57:6

Chiquimajcunaga purinäman togllata churasha. Chaura nogaga fiyupa mancharishcä. Purinächo uchcuta uchcuran yaganäpaj. Chay uchcuman quiquincunallami yagasha. Selah

Salmos 6:6

Atarpis pasaypanami uticashcä. Waray waraymi amatar wagä. Jawanätapis wagaycaptillämi weguë ushmasha.

Salmos 88:9

Wagaycällarnami gaprayaycäpis. Tayta Dios, waran-waranmi maquëtapis chojpacur gamllaman mañacaycämö.

Isaías 38:14

Äbicuna wagajnömi nanächicuycä. Palumanöllami nanaywanpis ataycä. Ñawëpis uticannami syëluman ricarayllawan. Tayta Dios fiyupami ñacaycä. Nogapa faburnë jatarcuy ari.