Salmos 32:9 - Tayta Diosninchi Isquirbichishan

⁹ Ama canquichu cawalluno bürruno mana tantiyacöga. Cawallutaga busalninwanrämi ichichinchi. Bürrutapis shengallawacurcur-rämi munashanchïpa apanchi. Chayno mana rurashaga manami wiyamanchïchu» nir.

Salmos 32:9 ပူးပေါင်းရင်းမြစ်များ

Job 30:11

Cananga, Tayta Diosmi ima-aycäpis manana cananpaj camacächisha. Pengay-tucushami caycä. Chaymi imanillarpis mana rispitamannachu.

Job 35:11

Uywacunapitapis mas yachaj cananchïpaj paymi yachachimanchi. Paymi äbicunapitapis mas yarpaysapa cananchïpaj tantiyachimanchi.

Job 41:13

¿Piraj jorgunman intëru jananta chaparaycajta? ¿Piraj janan chapacunan chucru caycajta uchcurinman?

Proverbios 26:3

Busalwanmi cawalluta amansanchi. Läsuwanmi bürruta manshuyächinchi. Garutinami caycan mana tantiyacoj upa runata corrijinapaj.

Jeremías 31:18

Wiyashcämi acrashä runacuna llaquicur parlajta. Paycunaga nisha: ‹Nogacunaga goyäcurä manaraj aroj törunömi. Chayno caycajtami gam castigamashpayqui manshuyächimashcanqui. Yapay shuntacamay ari. Gammi canqui nogacunapa Tayta Diosnëga.

Jeremías 4:22

Chaura Tayta Dios niran: «Acrashä runacunaga upa, mana tantiyacojmi. Manami rejsimanchu. Mana tantiyacoj yarpayniynaj wamräcunami. Allita ruraytaga manami yachanchu. Mana allita ruraytami ichanga fiyupa yachan.»

Santiago 3:3

Musyashanchïnöpis cawallupa shiminman frënuta amuparcorga munashanchïpami apanchi.