Salmos 32:3 - Tayta Diosninchi Isquirbichishan

³ Jucha rurashäta amuräcushäcamaga goyarpoj wagaycaptilläna cuerpöpis pasaypana gotucaycasha.

Salmos 32:3 ပူးပေါင်းရင်းမြစ်များ

2 Samuel 11:27

Llaquicushan päsariptin Davidga cacharan Uriaspa biyüdanta pushapänanpaj. Palasyunman chayaptin majachacaran. Betsabëga Davidpata gueshyacuran ollgu wamrata. David chayno rurashanga Tayta Diospaj mana allichu caran.

Job 3:24

«Llaquicuyllämi micuynënöpis; gaparashäpis aypalla yacu aywajnörämi.

Job 30:17

Tullöcamarämi nanaynëpis chayaycäman. Mana chawaypami chacaycunapapis nanaycäman.

Job 30:30

Llapan garämi yanayacäcusha. Pasaypa wagruypa-wagrur aywaycan. Rupaywanmi intëru cuerpöpis rupariycan.

Salmos 22:1

Diosnillä, Diosnillä, ¿imanirtaj cachaycamashcanqui? ¿Imanirtaj mana salbamanquichu? ¿Imanirtaj mana wiyamanquichu llaquicur mañacaycämushäta?

Salmos 38:3

Rabyasha piñacamaptiquimi intëru cuerpöpis manana sänunachu. Juchäpitami tullöcunapis manana sänunachu.

Salmos 38:8

Callpäpis mananami cannachu. Wirur-ushashanömi nanapäcuycä. Chaymi llapan shongöpa llaquicur ataycä.

Salmos 51:8

Cushicurcaycajta ricachimay ari. Chauraga llaquicachimasha captiquipis yapaynami cushicushaj.

Salmos 6:2

Tayta Dios, cuyapaycamay ari. Gueshyarmi callpaynaj ricacushcä. Tayta Dios, allchacaycachimay ari. Intëru cuerpöchaj sicsicyaycan.

Proverbios 17:22

Cushishalla goyajcunaga sänumi cawan. Llaquishalla goyajcunapami ichanga gänasnin imapäpis mana canchu.

Proverbios 28:13

Juchancunata pacajcunaga manami alliman chayangachu. Mana alli ruraycunata cachaycur juchancunapita perdunta mañacojcunami ichanga perdunasha canga.

Isaías 51:20

Toglla chariptin animal ricacushannömi wamrayquicunaga ricacusha. May cälli isquïnachöpis jitarpaycan. Chaynöga carcaycan Tayta Dios rabyawan castigashushayquicunapitami.

Isaías 57:17

Israelcuna juchata rurashanpitami juc timpu rabyasha caycarä. Chaynöpami paycunataga castigarcur cachaycurä. Chaura paycunaga quiquincuna munashannöna goyaran.

Isaías 59:11

Llapanchïpis ucumaryanömi gaparpaycanchi. Palumanömi ataycanchi. Salbasyunta shuyararpis manami salbacunchïchu.

Lamentaciones 1:3

Judá runacunataga juc-lämanmi prësu apasha. Chaychönami sasa aruycunacho aruchir, fiyupa ñacarcaycächin. Ñaupata paycunaga llapanpa mandajninmi caran. Cananga mananami jamaytapis tarichinnachu. Gaticachajcunaga chariycurmi llaquicachir fiyupa ñacarcaycächin.

Lamentaciones 3:4

Garätapis aychätapis pasaypanami auquisyächisha. Tullöcunatapis pasaypami paquir-ushasha.

Lamentaciones 3:8

Yanapämänanpaj mañacur gaparaycaptëpis ruwacushätaga manami wiyamashachu.

Oseas 7:14

Cämancho gaparpashpanpis, manami llapan shongunpa mañacamanchu. Rïgun, bïnun achca cananpaj mañacur janancunatami yawar-yawar ruracun. Chayno rurarmi nogapa conträ ricacusha.

1 Samuel 31:13

Nircur pampaycäriran jinan Jabesman, yöra chaquinman. Chaypitaga ganchis junajcama llaquicushpan Jabes runacuna ayunaran.