Salmos 3:7 - Tayta Diosninchi Isquirbichishan

⁷ ¡Aywashun, Tayta Dios! ¡Salbaycamay ari! Chiquimajcunataga gammi cärachu lagyanquipaj. ¡Juchasapacunataga quiruncunatapis jorgupanquipaj!

Salmos 3:7 ပူးပေါင်းရင်းမြစ်များ

2 Samuel 18:8

Chaura pillyaga mashtacaran intërupana. Chay pillyachömi espädawan runacunata suldärucuna wañuchishanpitapis mas achca runacuna munticho ushacaran.

Job 16:10

Nogata chiquimarmi runacuna gotucan. Ricapämashpan umancunatapis jajtachinraj. Manacajman churamashpan lagyar-ushaman.

Job 29:17

Fiyu runacunapa munayninta ushacächej cä. Imata suwaycashancunatapis guechoj cä.

Salmos 10:12

¡Tayta Dios apuray ari! ¡Ama wiyaräcuychu! ¡Pobricunataga ama gongaychu!

Salmos 12:5

Tayta Diosga caynömi nin: «Pobricunata, wacchacunata, ñacachishpan munashanta ruraycächin. Chaypitami cananga salbashaj yanapänäpaj shuyaycämajcunataga.»

Salmos 27:3

Aypalla suldärucuna juntapaycamaptinpis manami manchacöchu. Guërra captin magamänanpaj yaycamuptinpis Tayta Diosllamanmi yäracuycäshaj.

Salmos 35:23

Tayta Dios, faburnë jatariy ari. Ricchayna. Rasun cajta jusgamay ari.

Salmos 44:23

Tayta Dios, ¿imanirtaj puñucunqui? ¡Ricchayna ari! ¡Ricchayna! Para-simriga ama witicuychu ari.

Salmos 58:6

Tayta Dios, ¡quiruncunatapis amirgäriy! Tayta Dios, ¡chay liyuncunapa agärancunata paquirgäriy!

Salmos 59:5

Tayta Dios, gammi munayniyoj Dios canqui. Gammi Israelcunapa Diosnin canqui. Riccharcur castigay ari mana rispitashojcunataga. Ama cuyapaychu fiyu runacunataga. Selah

Salmos 6:4

¡Aywaycamuy ari Tayta Dios, salbamänayquipaj! ¡Cuyapäcoj cashpayqui salbaycamay ari!

Salmos 7:6

¡Tayta Dios! ¡Chiquimajcunawan rabyasha pillyay ari! ¡Alli arriglanayquipaj nisha caycarga faburnë jatariy ari Tayta Dios!

Salmos 74:11

¿Imanirtaj manana yanapämanquinachu? ¿Imanirtaj manana imatapis ruranquichu?

Salmos 76:9

Chaynöga caycan jusganayquipaj jatariptiquimi, cay pachacho ñacaycajcunata salbanayquipaj captinmi. Selah

Isaías 51:9

¡Ricchayna ari Tayta Dios! Fiyupa munayniyoj cashayquita musyacächiyna ari. Mas unay caj watacuna rurashayquino, unay caj runacuna cawashan wichan rurashayquino rurayna ari. Gammi illgächishcanqui lamarcho caycaj waräcuy Rahabtapis.

Lamentaciones 3:30

Pipis magaptenga cäranta witichipanman. Imata gayapaptinpis upällalla chasquicunman.