Salmos 3:4 - Tayta Diosninchi Isquirbichishan

⁴ Gaparayparämi Tayta Diostaga mañacö yanapämänanpaj. Chaura rispitädu Sionpita wiyamushpanmi yanapäman. Selah

Salmos 3:4 ပူးပေါင်းရင်းမြစ်များ

Génesis 15:1

Chaypita unayllataga Abramta Tayta Dios ribilar cayno niran: «Abram, ama manchacamaychu. Nogami gamtaga ima mana allicunapitapis chapaycä. Gamtaga ima-aycayquipis mas aypalla cananpämi yanapäshayqui.»

Salmos 119:114

Gammi canqui washämaj, chapämaj. Gampa palabrayquimanmi yäracö.

Salmos 138:3

Gamta mañacamuptë yanapämarayquimi. Mañacamuptë callpäta yurichirayquimi.

Salmos 18:3

Tayta Dios, alabasha canayquimi camacan. Mañacamuptë chiquimajcunapitaga salbamanquimi.

Salmos 2:6

«Rispitädu Sión lömächo raynë cananpäga maynami acrashcä» nir.

Salmos 27:6

Yanapämanga chiquimajcunata binsinäpaj. Chaura nogaga Wasincho uywata pishtarcur rupachishaj. Cushicuywan alabansacunata paypaj cantashaj.

Salmos 28:7

Tayta Diosmi fiyupa munayniyoj chapämäga. Paymanmi llapan shongöpa yäracö. Paymi yanapäman. Chaypitami fiyupa cushisha goyä. Chaymi Tayta Diosta agradësicur alabashaj.

Salmos 34:4

Ruwacuptë Tayta Diosga wiyamashami. Chaynöpami salbamasha llapan manchacuycashäpitapis.

Salmos 34:6

Llaquicur gayacuptë Tayta Diosga wiyamashami. Llapan llaquicuycunapitami jorgamasha.

Salmos 43:3

Achquipaycamay, alli ricaycamay. Tiyaycashayqui rispitädu Sión lömaman chayaycachimay ari.

Salmos 50:15

Ñacaycho caycashayqui öraga mañacamay. Nogami jorgushayquipaj. Gamnami agradësicamashpayqui alabamanquipaj.»

Salmos 62:8

Marca-masëcuna payllaman yäracuyga ari. Mana manchacuypa willapay mañacushayqui öra. ¡Tayta Diosmi pacacunanchëga! Selah

Salmos 84:12

Munayniyoj Tayta Dios, ¡cushisha cawachun gamman yäracamojcunaga!

Salmos 89:19

Unayga acrashayqui runacunata ribilaypami tantiyachirayqui. Paycunatami nirayqui: «Israel runacunapitami jinyunninta acrashcä. Paytaga nogami yanapashcä mas allicho cananpaj.

Salmos 91:15

Gayacamaptenga yanapäshämi. Sasa goyaycunachöpis quiquëmi paywan caycäshaj. Llaquicuycunapitapis jorgushämi. Nircurnami rispitädu cananpaj churashaj.

Salmos 99:9

¡Tayta Diosninchïta alabay-llapa! ¡Paypa rispitädu jirca puntancho gongurpacuy-llapa! ¡Tayta Diosga pasaypa santumi!

Proverbios 2:7

Juchata mana rurajcunata Payga yanapanmi, imapitapis chapanmi.

Isaías 65:24

Paycuna manaräpis mañacamaptinmi Nogaga mayna yanapaycäshaj. Manaräpis rimayta ushaptin Nogaga maynami wiyashana caycäshaj.

Lamentaciones 3:56

Mañacamushäta gamga wiyamashcanquimi.

Mateo 7:7

«Mañacuptiquega Tayta Dios tarichishunquimi. Asherga tarinquimi. Gayacur puncuta tacaptiquega quichapäshunquimi.

Santiago 5:13

Maygayquipis ñacayman chayarga Tayta Diosninchïta mañacuy. Maygayquipis cushisha caycarga gampis Tayta Diosninchïta agradësicur alabay.