Salmos 18:4 - Tayta Diosninchi Isquirbichishan

⁴ Wañuyga janächönami ricacuran. Juchuno janächöna captin fiyupa mancharirä.

Salmos 18:4 ပူးပေါင်းရင်းမြစ်များ

2 Crónicas 20:21

Llapan runacunata willaparcur alabajcunata churaran pillyaman aywaycajcunapa ñaupanta aywananpaj. Tayta Diosta rispitana röpancunata jaticurcur Tayta Diosta alabar cantaraycar aywananpaj churaran. Alabar cantanan caran: «Tayta Diosta agradësicuy. Pay cuyacoj cashanga imaycamapis chaynöllami» nir cantashan alabansata.

2 Crónicas 20:22

Diosta alabashpan cushicur cantayta gallaycushan öra Tayta Diosga Amón runacunata, Moab runacunata Seir jircapita shamojcunata quiquin-pura pantanacur pillyaran. Paycunaga aywarcaycämuran Judäcunata magaj. Quiquincunata binsiran.

Salmos 116:3

Wañuyga pasaypanami tumapaycämaran. Chaymi wañuytaga manchacurä. Fiyupami llaquicurä.

Salmos 124:4

Noganchïtaga usharamashwan caran mayu chayar ima-aycatapis apacojnömi.

Salmos 22:16

Cañicoj allgucunanömi fiyucunaga intëröpa curalacaycamasha. Maquëta chaquëtapis uchcurisha.

Isaías 13:8

Fiyupa mancharishami ricacongapaj. Fiyupa llaquicuymi charengapaj. Cuerpuncunapis fiyupami nanacuycongapaj. Chauraga warmi nanaycho caycajnörämi milluycachangapis. Jucninpis-jucninpis mancharishami ricapänacongapaj. Pengacuyllawan cärancunapis pucayacäcongapaj.

Mateo 26:47

Chayno Jesús parlaycaptillanmi disïpulun Judas chayamuran. Paywan chayamuran achcaj runacuna sablincunawan garutincunawan. Chay runacunataga mandaj cüracunawan mayur Israel runacunami cachamusha caran Jesusta prësu charinanpaj.

Mateo 26:55

Chayno nircurna runacunata Jesús niran: «¿Suwachu cä, sabliquicunawan garutiquicunawan prësu charimaj shamunayquicunapäga? Waran-waran Templucho yachachir jamaraj cä. Chayno caycaptëpis manami charimarayquichu.

Hechos 21:30

Chaura llapan runacuna shamur fiyupa rabyashpan Pabluta charir garchacarcärir jawaman jorguran. Templupa sawannin puncucunatapis wichgarcäriran.

2 Corintios 1:9

Wañuchimänanpaj caycashallantanami yarparcaycaräpis. Chayrämi tantiyacurä quiquëcunallaga imatapis mana camäpacushäta. Chaynöpami wañojcunatapis cawarachimoj Tayta Diosman yäracurä.