Salmos 17:7 - Tayta Diosninchi Isquirbichishan

⁷ Nogaga musyämi gamman yäracamojcunata chiquejcunapa munayninpita salbanayquipaj munayniyoj cashayquita. Cuyapäcoj cashayquita sumaj musyaycachimay ari.

Salmos 17:7 ပူးပေါင်းရင်းမြစ်များ

2 Reyes 19:22

¿Pitataj ashllishcanquega? ¿Pitataj gayapashcanquega? ¿Pitataj gayarashcanqui alli-tucushpayqui? ¡Israelpa Santo Diosninpa contranmi rimashcanqui!

2 Reyes 19:34

Nogami cay siudäta chapäshaj. Imapitapis salbashaj sirbimajnë Davidta aunishäta yarpar, quiquëpis rispitachicushpä.»

2 Crónicas 16:9

Tayta Diosga ricaycanmi maycho ima caycashantapis Payman yäracoj cajta yanapänanpaj. Canan gamga upanömi llutanta rurashcanqui. Chaypitami cananpitaga amatar guërrallachöna canquipaj.»

Salmos 20:6

Nogaga musyämi acrashan rayta Tayta Dios yanapänanpaj cashanta, tiyashan rispitädu syëlupita-pacha wiyamunanpaj cashanta, munayninwan salbananpaj cashantapis.

Salmos 31:21

Alabasha cachun Tayta Diosga. Paymi cuyapäcoj cashpan yanapämasha fiyupa ñacaycho caycashä öra.

Salmos 31:22

Fiyupa manchariycashä örami yarparä «Tayta Diosga manami yarpämannachu» nir. Chaypis yanapämänayquipaj mañacamuptëga yanapämashcanquimi.

Salmos 44:3

Manami sablinwanchu cay pachataga guechuran. Ni callpanwanpischu binsiran. Chaypa ruquenga gammi munayniquiwan binsirayqui. Alli car yanapaptiquimi binsiran. Unay caj castäcunata cuyashpayquimi munayniquiwan yanaparayqui.

Salmos 60:5

¡Cananga munayniquiwan salbaycamay ari! ¡Cuyashayqui runacunata salbaycuy ari! ¡Wiyaycamay ari!

Salmos 78:12

Tayta Diosga milagrucunata ruraran taytancuna ricaycaptinmi Egiptucho caycaj Zoán particho.

Éxodo 15:6

«Tayta Dios, maquiqui fiyupa munayniyojmi. Chaywanmi llapan chiquimajcunata illgarachishcanqui.

Isaías 41:10

Ama manchacuychu. Nogaga gamcunawanmi caycä. Ama manchacuychu. Nogaga Diosniquimi cä. Nogami yanapar gamcunataga callpata gö. Maquëcho charararmi gamcunataga alli goyächishayqui.

Hechos 2:33

Nircurnami Jesusta derëchu caj-lädunman Tayta Dios jamachisha llapanpäpis munayniyoj cananpaj. Chaypitanami Tayta Dios aunishan Espíritu Santuta nogacunaman cachamusha. Cananga chaytami wiyarcaycanqui, ricarcaycanqui.

Apocalipsis 15:3

Cantaycaran Tayta Diospa sirbejnin Moisés cantashanta, Cashni uysha cantashanta: «Llapanpaj munayniyoj Tayta Dios, Gam rurashayquicunaga fiyupa allimi. Llapanpa mandajnin Tayta Dios, Gamga imaypis alli cajllatami ruranqui.