Salmos 17:5 - Tayta Diosninchi Isquirbichishan

⁵ Nogaga gampa caminullayquipami purishcä. Gampa caminuyquipita juc-läpaga manami llojshishcächu.

Salmos 17:5 ပူးပေါင်းရင်းမြစ်များ

Job 23:11

Nogaga paypa yupillanpami purishcä. Pay ricachimashan nänillapami aywashcäpis.

Salmos 119:133

Aunimashayquino yanapämay ari. Ama camacächiychu noga mana allita ruranätaga.

Salmos 121:3

Tayta Diosga manami camacächengachu mana alliman chayanayquita. Täpaycäshöga manami imaypis puñucangachu.

Salmos 121:7

Tayta Diosmi mana alliman chayanayquipita chapäshunqui. Paymi wañuypitapis salbashunqui.

Salmos 18:36

Gammi alli nänipa pushamashcanqui. Chaymi mana llushcacashcächu.

Salmos 18:37

Chiquimajcunata gaticacharpis taripashcämi. Llapanta ushaycur-rämi cutimushcä.

Salmos 38:16

Ichanga ruwacushayqui Tayta: Tuniptë-imaga ama camacächiychu nogata asipämänanta.

Salmos 44:18

Gamta gongaytaga manami yarpashcächu. Yachachimashayquitapis manami cachaycushcäcunachu.

Salmos 94:18

Juc cutichömi gamta ruwacurä: «Chaquïcuna llushcacaycannami» nir. Chauraga cuyacoj cashpayquimi yanapämarayqui.

Jeremías 10:23

Tayta Dios, runaga distïnun imano cashantapis manami musyanchu. Runaga manami musyanchu imaycama ni imano cawananpaj cashantapis.

1 Samuel 2:9

«Paymi sirbejnincunataga rican. Fiyu runacunami ichanga juchallancho wañun. Callpallanwanga pipis manami alli llojshinchu.